Տրանսպորտի և կապի նախարարը հուլիսի 12-ին ընդունել է «Ռասիա ՖԶԷ» (RASIA FZE) ներդրումային ընկերության նախագահ, գլխավոր գործադիր տնօրեն Ջոզեֆ Բորկովսկուն և չինական «Poly Group» ընկերության ներկայացուցիչներին նախագահի տեղակալ Դայ Նինգի գլխավորությամբ:
Ըստ նախարարության տարածած հաղորդագրության՝ Ջոզեֆ Բարկովսկին տեղեկացրել է, որ Poly Group-ը Չինաստանի ամենամեծ և ազդեցիկ պետական ընկերություններից է և հետաքրքրված է Հայաստանի արբանյակային ծրագրի համաֆինանսավորմամբ:
Գագիկ Բեգլարյանը, ներկայացնելով ՀՀ-ի արբանյակային ծրագրի իրականացման գործընթացի առկա վիճակը, նշել է, որ այս ոլորտում նախարարությունը տարբեր երկրների հետ համագործակցության եզրեր է փնտրում.
«Մենք ունենք բավական առաջարկներ խորհրդատվության, կառավարման առումներով: Այսօր աշխատում ենք Ռուսաստանի հետ: Մենք ձեզ նույնպես կներկայացնենք մեր առաջարկները, և կսպասենք ձեր արձագանքին»,-հանդիպման ժամանակ նշել է Բեգլարյանը։