Հոկտեմբերի 4-ին Պաշտպանության բանակի հրամանատար, գեներալ-լեյտենանտ Լևոն Մնացականյանն ընդունել է ԵԱՀԿ Մինսկի խմբի ամերիկացի նորանշանակ համանախագահ Էնդրյու Շոֆերին: Ամերիկացի համանախագահին նույն օրն ընդունել է նաև Արցախի ղեկավար Բակո Սահակյանը: Այս մասին հայտնել է ՊԲ կայքը:
ՊԲ հրամանատար, գեներալ-լեյտենանտ Լևոն Մնացականյանը և ԵԱՀԿ ՄԽ ամերիկացի համանախագահ Էնդրյու Շեֆերը
Հանդիպման մեկնարկին ՊԲ հրամանատարը շնորհավորել է ամերիկացի համանախագահին պաշտոնի ստանձնման կապակցությամբ:
Այնուհետև գեներալ-լեյտենանտ Լևոն Մնացականյանն անդրադարձել է Արցախի շփման գծում տիրող իրադրությանն ու դրանից բխող զարգացումներին:
Հանդիպմանը ներկա էր նաև ԵԱՀԿ Մինսկի խմբի ամերիկացի համանախագահի օգնական Ալամանդա Գրիբին:
Նույն օրը ԵԱՀԿ ՄԽ ամերիկացի համանախագահին ընդունել է նաև Արցախի ղեկավար Բակո Սահակյանը: Երկուստեք կարևորվել է Մինսկի խմբի շրջանակներում հակամարտության խաղաղ կարգավորման եւ այս ուղղությամբ հետևողական աշխատանքների իրականացման անհրաժեշտությունը:
Արցախի ղեկավար Բակո Սահակյանը և ԵԱՀԿ ՄԽ ամերիկացի համանախագահ Էնդրյու Շեֆերը