Հոկտեմբերի 4-ին Թուրքիայի ռազմաօդային ուժերը հերթական անգամ հարվածել են Իրաքի հյուսիսային շրջաններում տեղակայված «Քրդստանի աշխատվորական կուսակցության» (PKK) դիրքերին: Այս մասին հայտնում է թուրքական պետական «Անադոլու» գործակալությունը:
Այս անգամ հարվածները հասցվել են Իրաքի Մեթինա շրջանում տեղակայված PKK-ի ճամբարներին: Ըստ աղբյուրի՝ ոչնչացվել են քրդական կառույցի զենք ու զինամթերքի պահեստները, թաքստոցներն ու դիրքերը:
Բացի այդ, Թուրքիայի օդուժը հարվածել է քրդերի դիրքերին նաև երկրի կենտրոնական Էրզինջան նահանգում, «շարքից հանվել է» PKK-ի 3 զինյալ:
Վերջին շրջանում Թուրքիայի օդուժը գրեթե ամեն օր է իրականացնում նման գործողությունները Իրաքի հյուսիսում, որտեղ տեղակայված են PKK-ի հիմնական բազաները: