Մի քանի շաբաթ տևած մարտերի արդյունքում Սիրիայի կառավարական ուժերը հունիսի 4-ին կարողացել են վերջնական հսկողություն հաստատել Հալեպից արևելք ընկած Մասկանե բնակավայրում: Այնտեղ «Իսլամական պետությունը» մեծ թվով ուժեր էր կենտրոնացրել: Այս մասին հայտնում է սիրիական պետական «Սանա» գործակալությունը:
E. #Aleppo: #ISIS withdrew from last town it controlled in Aleppo province: #Maskanah. Pro-Regime expected to focus on area E. of Khanasser. pic.twitter.com/TlcaHShLLI
— Qalaat Al Mudiq (@QalaatAlMudiq) June 4, 2017
Սիրիայի կառավարական ուժերի հաջողվել է վերահսկողություն հաստատել Հալեպի շրջանի արևելքում տեղակայված երկու խոշորագույն պոմպակայանների, ինչպես նաև խոշորագույն էլեկտրական գեներատորի նկատմամբ:
Մասկանայի գրավմանը մասնակցել են սիրիական բանակի հատուկ նշանակության Tiger Forces ուժերը: Սիրիական կողմին ավիահարվածներով օգնել են նաև այդ երկրում տեղակայված ՌԴ ԶՈւ ստորաբաժանումները:
Հիշեցնենք, որ ավելի վաղ՝ 2017 թ. մայիսին, Սիրիայի կառավարական ուժերը կարողացել էին ԻՊ-ից ազատագրել Հալեպից արևելք տեղակայված «Էլ-Ջարահ» օդանավակայանի տարածքը։
ԻՊ-ն ներկայում անհաջողություններ է կրում բոլոր ռազմաճակատներում: Իրաքում կառույցի վերահսկողության տակ մնացել է Մոսուլի մի փոքր հատված և մի քանի ոչ այնքան խոշոր բնակավայր: Սիրիայի հյուսիսում ԻՊ գրոհայինները տարածքներ են զիջում քրդական ուժերին, որոնք արդեն 3 կողմից շրջափակել են ԻՊ կենտրոն Ռաքքա քաղաքը:
Սակայն Ռաքքայի գրավման գործողությունները դեռ չեն մեկնարկել, իսկ սկսվելու դեպքում կարող են բավականին երկար ժամանակ ձգձգվել:
#Syria #Aleppo #EasternAleppo Video from #Maskanah #Tiger_Forces #Tigers_Men #SAA #SyrianArmy #SyrianArabArmy pic.twitter.com/olEOVy8Qe9
— Ivan Sidorenko (@IvanSidorenko1) June 4, 2017