Հունիսի 3-ին Ռուսաստանի զինված ուժերի Հարավային ռազմական շրջանի (ՀՌՇ)՝ Ռոստովում տեղակայված 150-րդ մոտոհրաձգային դիվիզիայի ստորաբաժանումները վերատեղակայվել են Վոլգոգրադի շրջանի «Պրուդբոյ» համազորային զորավարժարանում: Այս մասին հայտնում է ՌԴ ՊՆ կայքը:
Մոտոհրաձգային դիվիզիայի մատրական պատրաստության վարժանքներին ներգրավվել են նաև ՀՌՇ ռամզաօդային և հակաօդային պաշտպանության 4-րդ բանակի ավիացիայի ուժերը:
Դիվիզիայի զինծառայողները զորավարժարան տեղափոխվել են Ան-12 ինքնաթիռներով: Զորավարժարանում տեղակայվել են նաև Տ-72Բ3 տանկեր, ԲՄՊ-3 հետևակի մարտական մեքենաներ:
Վարժանքներին ներգրավվել է դիվիզիայի 2000 զինծառայող, շուրջ 200 միավոր զինտեխնիկա:
Ավելացնենք, որ նույն ժամանակատահատվածում «հակահաբեկչական» զորավարժություն են անցկացրել ՀՌՇ՝ Կրասնոդարի շրջանում տեղակայված ռազմական ոստիկանության ուժերը:
Հիշեցնենք, որ հունիսի 1-ից ՀՌՇ ստորաբաժանումներում շուրջ 7 հազար զինծառայողի մասնակցությամբ հանկարծակի ստուգումներ էին մեկնարկել: Այս անգամ ստուգումներին չէին ներգրավվել ՀՌՇ՝ Հայաստանում տեղակայված ուժերը: Սակայն նմանատիպ վարժանք նաև Հայաստանում ռուսաստանյան բազայի ներգրավմամբ անցկացվել էր այս տարվա մարտին: