Հրետանավորների դաշտային վարժվածության մակարդակի բարձրացման, նրանց մասնագիտական հմտությունների զարգացման նպատակով զինված ուժերի պատրաստության պլանի համաձայն ՀՀ ՊՆ 1-ին բանակային զորամիավորումում մեկնարկել է հրետանավորների մասնագիտական զորավարժություն: Այս մասին հայտնում է ՀՀ ՊՆ «Հայ Զինվոր» պաշտոնաթերթը:
Ճամբարային հավաք ՀՀ ՊՆ 1-ին ԲԿ-ում
ՀՀ ՊՆ 1-ին բանակային կորպուսի հրամանատար, գեներալ-մայոր Տիգրան Փարվանյանը պատասխանատու սպաների հետ միասին շրջել է ճամբարային ավանում, ծանոթացել ուսումնական գործընթացի ապահովման համար ստեղծված պայմաններին և փաստել՝ ամեն ինչ պատրաստ է հրետանավորների դաշտային պարապմունքների լիարժեք անցկացման համար:
Նշենք, որ օրեր առաջ 1-ին բանակային կորպուսի ենթակա զորամասերում ավարտվել էին սպառազինության և ռազմական տեխնիկայի շահագործման ամառային ռեժիմի անցման աշխատանքները: