Արաբներից, քրիստոնյաներից և գլխավորապես քրդերից կազմված և ԱՄՆ աջակցությամբ գործող «Սիրիայի դեմոկրատական ուժեր» (SDF) խմբավորումը շարունակում է Սիրիայի «Իսլամական պետություն» ահաբեկչական խմբավորումից ազատագրել Սիրիայի Տաբկա քաղաքը:
Վերջին օրերի մարտական գործողությունների արդյունքում SDF-ին հաջողվել է ԻՊ-ից վերցնել Տաբկայի հիվանդանոցը, ինչպես նաև ԻՊ բանտ, որտեղ կային նաև կանանց համար նախատեսված խցեր:
While combing liberated areas of Tabqa SDF discovers another daesh prison in Mehacia neighbourhood. It had also section 4 women pic.twitter.com/kJW0m1ALeV
— Rojava (@AzadiRojava) May 7, 2017
Քաղաքի հյուսիսային հատվածում միջազգային կոալիցիան նաև ավիահարվածներ է հասցրել ԻՊ դիրքերի ուղղությամբ: Այդ հատվածում մարտերը ներկայումս շարունակվում են:
Coalition aircrafts have been doing a great job clearing out the front buildings of the last neighborhood Daesh hold pic.twitter.com/KurEWVe3Km
— Jesper Söder (@soder_jesper) May 7, 2017
Ավելի վաղ SDF-ից հայտնել էին, որ խմբավորումը «Եփրատի ցասում» գործողության շրջանակում ԻՊ-ից գրավել է Սիրիայի Տաբկա քաղաքի շուրջ 90 տոկոսը: Խմբավորման խոսնակ Թալալ Սիլոն էլ նշել էր, որ Տաբկայում որոշ շրջաններ դեռևս մնում են ԻՊ-ի վերահսկողության տակ, և այդ շրջանների համար մարտերը շարունակվում են:
Տաբկա քաղաքը մոտ 50 կմ հեռավարության վրա է Ռաքքա քաղաքից, որը ներկայում ԻՊ կենտրոնն է: Նաև այստեղ է գտնվում Սիրիայի ամենամեծ ջրամբարը: Սրանցով էլ պայմանավորված է քաղաքի ռազմավարական նշանակությունը:
Քրդական ուժերը դեռ մարտին վերահսկողություն էին հաստատել Տաբկայի Ջրամբարի մի հատվածի վրա, ինչպես նաև կարողացել էին ԻՊ-ից գրավել Տաբկայի ավիաբազան (այն գրեթե չի օգտագործվում):
Հիշեցնենք, որ 2016-ի նոյեմբերի 5-ին «Սիրիայի դեմոկրատական ուժեր» (SDF) խմբավորումը հայտարարել է ԻՊ «մայրաքաղաք» Ռաքքան և հարակից տարածքները ազատագրելու «Եփրատի ցասում» գործողության մեկնարկի մասին։