ՆԱՏՕ-ի հերթական կորուստներն Աֆղանստանում

Հոկտեմբերի 30-ին աֆղան ոստիկանի համազգեստով տղամարդը Աֆղանստանի հարավային Հելմանդ նահանգում զինված բախման ժամանակ ՆԱՏՕ-ի երկու զինծառայողի է սպանել: Այդ մասին հայտնում lenta.ru-ն՝ հղում կատարելով France-Presse գործակալությանը:
Սպանության պատասխանատվությունը ստանձնել է «Թալիբան» շարժումը:
Ոստիկանի համազգեստով Աթիքիլա անունով տղամարդը, ով նախկինում աֆղանական ոստիկանության շարքերում է եղել, «Թալիբան» շարժման անդամ է:
Շարժման ներկայացուցիչները հայտարարել են, որ սպանվածները բրիտանացի զինծառայողներ են:
Մեծ Բրիտանիայի ՊՆ-ն հաստատել է փաստը, որ սպանվածները ծառայել են բրիտանական բանակում, սակայն չի պարզաբանել, թե նրանք ինչ ազգի ներկայացուցիչներ են:
Նշենք, որ հեկտեմբերի 24-ին Աֆղանստանի նույն նահանգում բրիտանական բանակի մեկ սպա և զինվորական մեկ բժիշկ է սպանվել:
ՆԱՏՕ-ի ներկայացուցիչների խոսքերով՝ նատոյական զինծառայողների վրա հարձակումների շուրջ 25 տոկոսը իրականացնում են թալիբ զինյալները: Հարձակումների մնացյալ մասի հիմքում աֆղան զինվորականների անձնական հակակրանքն է արևմտյան զինծառայողների հանդեպ:
Աղբյուր՝ http://lenta.ru/news/2012/10/31/nato/