Ավելի քան 600 զինծառայող և շուրջ 100 միավոր ռազմական տեխնիկա է ներգրավված Հայաստանում տեղակայված ռուսական 102-րդ ռազմաբազայի մոտոհրաձգային ստորաբաժանումների՝ երեկ սկսած երկկողմ տակտիկական զորավարժություններին:
Այդ մասին հայտնել է ՌԴ Հարավային ռազմական շրջանի մամլո ծառայության պետ՝ գնդապետ Իգոր Գորբուլը:
Վարժանքների ժամանակ մշակվելու են ստորաբաժանումների գործողությունները հակառակորդի ավիացիայի գրոհի, զանգվածային ոչնչացման զենքի կիրառման, դիվերսիոն խմբերի հարձակումների ժամանակ, ստուգվելու են զինծառայողների ունակությունները դիրքավորման, զբաղեցրած դիրքերի ինժեներական սարքավորման և քողարկման, ականադաշտերի ստեղծման և հաղթահարման խնդիրները կատարելիս։ Հատուկ ուշադրություն է դարձվելու անձնակազմի հոգեբանական պատրաստվածությանը։
Ըստ Գոբուլովի` ուսուցման ամառային փուլում 102-րդ ռազմաբազայի ստորաբաժանումների հետ անցկացվել է տարբեր մակարդակի շուրջ 50 տակտիկական պարապմունք, որոնց կեսից ավելին՝ մարտական կրակոցներով, այդ թվում՝ գիշերային:
Նշենք, որ ռուսական 102-րդ ռազմաբազան մարտական հերթապահություն է իրականացնում ԱՊՀ ՀՕՊ միասնական համակարգի շրջանակներում: Բազայի ստեղծման վերաբերյալ պայմանագիրը կնքվել է 1995-ին 25 տարի ժամկետով: 2010 թվականի օգոստոսի 20-ին պայմանագրի ժամկետը երկարաձգվել է մինչև 2044 թվականը:
Ռազմաբազան, որն ունի շուրջ 4,5 հազար ծառայող, զինված է Ս-300Վ զենիթահրթիռային համակարգերով և ՄիԳ-29 կործանիչներով:
-
Լրահոս
- Ադրբեջանի ուժային կառույցների հայտնի կորուստները 2023-ին․ Razm.info
- 2022թ․ Ադրբեջանի կորուստների անվանացանկ. Razm.info
- [ԹԱՐՄԱՑՎԱԾ, 15/01/2023] Ադրբեջանի կորուստները 2022 թվականին. Razm.info
- ՀՀ ԶՈւ-ն նոր ուղղաթիռներով է համալրվել
- Ադրբեջանի 2021թ. հայտնի դարձած կորուստները. Razm.info
- Դեկտեմբերի 10-ին թշնամու կրակից 1 զինծառայող զոհվել է, 8-ը՝ վիրավորվել
- Ադրբեջանում ուղղաթիռի վթարից 14 սպա է մահացել
- Ադրբեջանում պատերազմից հետո լարված աշխատում են. Կարծիք
- Նոյեմբերի 24-ին ժամկետային զինծառայող է մահացել
- Նոյեմբերի 22-ին թշնամու կրակից զինծառայող է զոհվել
- Նոյեմբերի 16-ի մարտերի հետևանով հայկական կողմն ունի առնվազն 6 զոհ
- [ԹԱՐՄԱՑՎԱԾ] Նոյեմբերի 16-ի մարտերը. ամփոփում
- Թուրքական զորքի տեղակայման ժամկետն Ադրբեջանում երկարաձգվել է 1 տարով
- Ադրբեջանի 2022թ․ ռազմական բյուջեն․ նախագիծ
- Արցախում թշնամու կրակից 6 զինծառայող է վիրավորվել
- Իրանն արգելել է Ադրբեջանին իր տարածքով ռազմական բնույթի թռիչքները. APA
- 2 նոր հարվածային ԱԹՍ է փորձարկվել ՀՀ ԶՈւ մասնակցությամբ զորավարժության դրվագում (տեսանյութ)
- Սեպտեմբերի 13-ին մահացել է պահեստազորային
- Քաշաթաղի (Լաչինի) շրջանում մեկնարկել են թուրք-ադրբեջանական վարժանքներ
- Սեպտեմբերի 1-ին թշնամու կրակոցից զոհվել է ՀՀ ԶՈւ զինծառայող