Թուրքիայի զինված ուժերի գլխավոր շտաբի պետ, բանակի գեներալ Նեջդեթ Օզելի գլխավորած պատվիրակությունն ապրիլի 1-ին նախատեսել է այցելել Ադրբեջան՝ բարձրաստիճան պաշտոնյաների ու զինվորականների հետ մի շարք հանդիպումներ ունենալու նպատակով։
Ադրեն իսկ հայտնի է, որ Նեջդեթ Օզելը հանդիպելու է Ադրբեջանի նախագահ Իլհամ Ալիևի, Ադրբեջանի պաշտպանության նախարար, գեներալ-գնդապետ Զաքիր Հասանովի, Ադրբեջանի ռազմարդյունաբերության նախարար Յավեր Ջամալովի հետ։
Նախնական տեղեկությունների համաձայն՝ հանդիպումների ավարտին Թուրքիայի ու Ադրբեջանի միջև կնքվելու է համաձայնագիր։
Հիշեցնենք, որ մարտի 10-ից մարտի 12-ն ընկած ժամանակահատվածում Ադրբեջանում էր Թուրքիայի զինված ուժերի ցամաքային զորքերի հրամանատար, բանակի գեներալ Հուլուսի Աքարը։ Նա հանդիպումներ էր ունեցել Ադրբեջանի պաշտպանության նախարարի, պետական սահմանապահ ծառայության ղեկավարի, ինչպես և նախագահ Իլհամ Ալիևի հետ։
Հավելենք նաև, որ 2013-ի դեկտեմբերի վերջին Զաքիր Հասանովը հանդիպել էր Նեջդեթ Օզելին Թուրքիա կայացած պաշտոնական այցի ժամանակ։