ՀՀ ՊՆ ներկայացուցիչ Արծրուն Հովհաննիսյանը տեղեկատվության միասնական հարթակից ամփոփ ներկայացրել է անցած գիշերվա ու սեպտեմբերի 28-ի առավոտյան դեպքերի ամփոփումը։ Ստորև՝ կարևոր դեպքերի մասին։
Ողջ գիշերը ընթացել են մարտեր՝ հատկապես հյուսիսային ու հարավային ուղղությամբ։ Դիրքային բարելավումներ ենք ունեցել։ Առավոտյան Ադրբեջանը վերսկսել է հարձակողական գործողությունները՝ կիրառելով ծանր հրանետային համակարգեր։
Ունենք մոտ 200 վիրավոր, որոնց մի մասը Երևան է տեղափոխվել։
Ադրբեջանը թիրախավորում է բնակավայրեր։ Մասնավորապես առավոտյան Մարտակերտ քաղաքի ուղղությամբ կիրառվել է հրետանի։
Ադրբեջանական մամուլում շրջանառվող լուրերը հայկական կողմի հարյուրավոր զոհերի մասին, չի համապատասխանում իրականությանը։