Փետրվարի 20-ին թուրքական լրատվամիջոցները հայտնեցին, որ դեպի Սիրիայի սահման՝ Թուրքիայի հարավային Հաթայ նահանգի ստորաբաժանումներ են ուղարկվել հրթիռային կայաններ։
Հրապարակվել էր նաև տեսանյութ, ինչից մենք պարզեցինք, որ թուրքական Տ-300 «Քասրղա» ՀԿՌՀ֊ները դուրս են բերվում Քրքան քաղաքի ռազմաբազայից և ուղևորվում դեպի Հաթայ նահանգի հարավ՝ Սիրիայի սահման, իսկ մի քանի այլ բեռնատար մտնում է զորամաս:
Տեսանյութի առաջին հատվածում երևում է «Քասրղա» ՀԿՌՀ-ի առնվազն 2 արձակման մեքենա, 2 տրանսպորտալիցքավորող մեքենա՝ բեռնված հրթիռներով, բեռնատար մեքենա: Երկրորդ հատվածում երևում են նաև բեռնատար մեքենաներ, որոնք մտնում են զորամաս, ինչից կարելի է ենթադրել, որ զորամասը համալրվում է:
Թուրքական ՀԿՌԿ-ի արտադրությունը սկսվել է 1997-ից չինական WS-1 ՀԿՌԿ-ի հիմքի վրա։ Նախատեսված է հակառակորդի թիկունքում տարբեր նշանակության կետերի՝ ռազմակայանների, հրթիռային համալիրների արձակման կայանների, օդակայանների, տրանսպորտային հանգույցների, վարչական և արդյունաբերական կենտրոնների խոցման համար։
Նշենք, որ այս ՀԿՌՀ֊ներից կա նաև Ադրբեջանի սպառազինությունում։
T-300 «Քասըրղա» (Kasırğa) ՀԿՌՀ
- Տրամաչափը՝ 302 մմ,
- Հեռահարությունը,
- առավելագույնը՝ 100+ կմ,
- նվազագույնը՝ 40 կմ,
- Հրթիռների քանակը՝ 4,
- Մարտագլխիկի զանգվածը՝ 150 կգ: