Այսօր՝ հունիսի 22-ին, ՀՀ նախագահ Սերժ Սարգսյանն մեկնել է Արցախ և Արցախի նախագահ Բակո Սահակյանի ուղեկցությամբ այցելել է սահմանագծի հարավային թևի մի շարք հատվածներ, տեղում ծանոթացել զինվորների ծառայության ընթացքին և տիրող իրավիճակին: Այս մասին տեղեկացնում է նախագահի կայքը:
Նույն օրը Սերժ Սարգսյանը և Բակո Սահակյանը Ստեփանակերտում խորհրդակցություն են անցկացրել պաշտպանության բանակի բարձրագույն սպայական կազմի հետ և քննարկել բանակաշինությանն առնչվող հարցերի լայն շրջանակ: