Tag Archives: Մոնթե Մելքոնյան

Մոնթե Մելքոնյանի անվան դպրոցում բացվել է Արմեն Հովհաննիսյանի կիսանդրին

Խաչքարի բացման ժամանակ Մայիս 22, 2015 22:15 | RAZM.INFO - Մայիսի 22-ին Երևանի Մոնթե Մելքոնյանի անվան թիվ 11 դպրոցում բացվել է 2014թ. հունվարի 20-ի դիվերսիայի ժամանակ զոհված զինծառայող Արմեն Հովհաննիսյանի կիսանդրին, ինչպես նաև դասասենյակներից մեկն անվանակոչվել Արմենի անունով։ Continue reading

Մոնթեն նրանցն էր… Ռազմինֆոն հավաքել է Մոնթեի մասին իր զրուցակիցների հուշերը

Մոնթե Մելքոնյան Հունիս 12, 2014 17:36 | RAZM.INFO - Երբ գնացել էինք Մոնթեի դին բերելու, Մարտունու բնակիչները թույլ չէին տալիս, ասում էին` Մոնթեն պիտի այստեղ մնա: Այ այդքան էին սիրում, Մոնթեն նրանցն էր... 21 տարի առաջ հունիսի 12-ին Աղդամի շրջանի Մարզիլի գյուղում զոհվեց Ազգային հերոս Մոնթե Մելքոնյանը։ Continue reading

Գուրգեն Մելիքյանը պատմում է Մոնթեի մասին. մի նկարի պատմություն

Մոնթե Մելքոնյանը Գուրգեն Մելիքյանի հետ 1992 թվական, Գանձասար Նկարը՝ ankakhutyun.am-ից Մարտ 14, 2014 17:46 | RAZM.INFO - Ռազմինֆոն սկսում է հեղինակային նոր շարք։ Հին լուսանկարների մասին իրենց հիշողությունները, պատմությունները տարիներ անց պատմում են նկարի հերոսները։ Continue reading

Մոնթե Մելքոնյանի անվան ռազմամարզական վարժարանի թիմը գրավել է առաջին տեղը միջազգային մրցույթում

Մոնթե Մելքոնյանի անվան ռազմամարզական վարժարանի թիմը գրավել է առաջին հորիզոնական Փետրվար 24, 2014 17:51 | RAZM.INFO - ՀՀ ՊՆ Մոնթե Մելքոնյանի անվան ռազմամարզական վարժարանի հավաքական թիմը փետրվարի 12-ից 22-ը մասնակցել է ՌԴ Պերմ քաղաք անցկացված «Պատանի հայրենասերներ» 12-րդ միջազգային մրցույթ-հավաքին, որտեղ բարձր արդյունքներ է ցույց տվել: Continue reading

Մեր պայքարն Արցախում է. Մոնթեի մարտական ընկերները՝ հերոսի մասին

Մարտիրոս Ժամկոչյանը Մոնթե Մելքոնյանի հետ Նոյեմբեր 25, 2013 17:36 | RAZM.INFO - Մոնթեին առաջին անգամ հանդիպել եմ ապրիլի 24-ին։ Այդ օրը Մոնթեն անգլերեն լեզվով շատ տպավորիչ ելույթ ունեցավ։ Այդտեղից մոտիկություն հաստատվեց, սկսեցինք շփվել։ Մնացած պատմությունը կապված է ԱՍԱԼԱ-ի հետ։ Ինքն ինձնից շուտ եկավ Հայաստան։ Բանտում նրանից նամակ ստացա։ Գրել էր. «Հանկարծ ուրիշ երկիր չգնաս, մեր պայքարն այստեղ՝ Արցախում, շարունակվում է: Ուզում եմ իմ կողքին լինես»։ Մենք այստեղ միասին հիմնեցինք «Հայրենասիրական» ջոկատը, կռիվներին մասնակցեցինք, հետո հայկական բանակ ստեղծեցինք։   [caption id="attachment_26073" align="alignnone" width="480"]Մարտիրոս Մկրտչյանը Մոնթե Մելքոնյանի հետ Մարտիրոս Մկրտչյանը Մոնթե Մելքոնյանի հետ[/caption] Այսօր՝ նոյեմբերի 25-ին, Հայաստանի Ազգային հերոս, Արցախի հերոս Մոնթե Մելքոնյանը կդառնար 56 տարեկան։  Օրվա կապակցությամբ Մոնթեի հետ առաջին հանդիպման մասին պատմում է նրա մարտական ընկեր, Հայաստանի Ազատագրության Հայ Գաղտնի Բանակի (ԱՍԱԼԱ) մարտիկներից, նախկին քաղբանտարկյալ Մարտիրոս Ժամկոչյանը։ Ժամկոչյանի հավաստմամբ Մոնթեն շատ պարզ, համեստ մարդ էր։ Մարտական հմտություններ ձեռք է բերել Լիբանանում՝ ինքնապաշտպանական մարտերի ժամանակ։ Խորհրդային զենքին էլ տիրապետել է սովորել Լիբանանի հարավում զորավարժություններ անելով։ «1990-ական թվականներին, երբ ես Շվեյցարիայի բերդում էի դեռ, վերջին ամիսներին (Բանտարկության վերջին ամիսներին Ժամկոչյանին հնարավորություն էր տրվել օրվա ընթացքում քաղաքացիական կյանքում զբաղվել իր գործով, իսկ գիշերը գիշերել պատժախցում) հանդիպեցի Վազգեն Սարգսյանին, հարցրեց՝ «Մարտիրոս, Մոնթեի հետ հանդիպել եմ Երևանում, բայց կուզեմ իմանալ, թե ինչ գիտի ռազմական գործից»։ Ասացի, որ լրիվ կարող է վստահել։ Նա հմուտ տիրապետում է մարտավարությանը։ Երբ Վազգեն Սարգսյանը  վերադարձավ Հայաստան, Մոնթեին հանձնարարեց, որ կարող է մասնակցել Արցախի ինքնապաշտպանական գործողություններին։ Ժամկոչյանը նշում է, որ միշտ էլ հումորով է ամեն ինչին մոտեցել։ «Նա արցախցիների վրա խմելու համար միշտ խոսում էր։ Ասում էր մի խմեք, խմելը լավ բան չէ։ Պատասխանում էին. «Մենք խմել ենք, մեր պապերն էլ են խմել»։ Ասում էր՝«Կներեք, ձեր պապերը լավն են եղել, բայց դուք էշ եք։ Էշը լավ կենդանի է, վատ կենդանի չէ, խելացի կենդանի է, վիրավորական չըլլա»։ Monte-Yerablur   Մարտական ընկերների հուշերում Մոնթեն խիստ ու պահանջկոտ զինվորական է, իսկ որպես մարդ՝ հայրենասեր ու սիրված։ Ռազմինֆոն տարբեր առիթներով զրուցել է Մոնթեին ճանաչող ազատամարտիկների հետ։ Այսօր ներկայացնում ենք, թե ինչ պատմություններ են պահպանվել հերոսի մասին։ Հետախույզ Վովա Վարդանովը 9 ամիս Մոնթեի հրամանատարն է եղել։ «1991 թվականի հունվարից Մոնթեի խումբը մեզ մոտ եկավ։ Ղարաբաղ գնալուց առաջ ծանոթացանք, ինչի համար չեմ ափսոսում։ Ինքը այս պատերազմի վառ էջերից մեկն է, որ կարողացել եմ կյանքիս գրքի մեջ թերթել։ Ինձնից հետո Շահումյանում նրա հրամանատարն է եղել Կոռնիձորի Արայիկը, այնուհետև Մոնթեն Մարտունի է գնացել արդեն որպես հրամանատար»։ [caption id="attachment_12544" align="alignnone" width="480"]Վովա Վարդանով (ձախից), Աշոտ Ղարիբյան (աջից) Եռաբլուրում Մոնթեի շիրիմի մոտ Վովա Վարդանով (ձախից), Աշոտ Ղարիբյան (աջից) Եռաբլուրում Մոնթեի շիրիմի մոտ[/caption] Վարդանովը հիշում է, թե ինչպես է Մոնթեն շահել իր սիրտը։ «Ես ընդհանրապես Մոնթեի ու իր հետ սփյուռքահայերի՝ մեր ջոկատ մտնելուն դեմ եմ եղել։ Բայց երբ շփվեցի, հենց առաջին հայացքը հերիք էր. իր մեջ մեծ պոտենցիալ կար, ես ջահել էի, միանգամից չտեսա, որոշ ժամանակ պետք եղավ։Նախօրոք իմացել էր երևի, որ պատմություն եմ սիրում, հնէաբանություն, թեթև մի երկու ակնարկ արեց, սիրտս շահեց այն աստիճան, որ տարվեցի։ Հետո եկել եմ համոզել մեր ջոկատի տղաներին, որ Մոնթեի խումբը մեզ մոտ մտնի։ Մեկ երկու ամսվա մեջ «մարզավիճակի» մեջ մտավ։ Ուրիշ է քաղաքային պայմաններում ինքնապաշտպանությունը, այլ է մարտական գործողությունը սարերում։ Շատ գրագետ զինվորական էր։ Մեկ երկու ամսվա ընթացքում նա եկավ ու հասավ շատ-շատերիս, շատ շատերից էլ անցավ։ Իր տղաներին պետք եղավ 6 ամիս։ Ես քարտեզների վրա աշխատելու համար միայն մեկ հոգու էի մոտ թողնում՝ Արտակ Բագրատյանին (Գայլուկ), հետախուզության գծով իմ տեղակալն էր: Մոնթեն 2 ամիս հետո շատ պինդ տեղ զբաղեցրեց քարտեզի կողքին։ Ուներ անձնական քարտեզ, որ Եվլախի կետով վերջանում էր։ Այնպես էր նախագծած, որ Կուր գետը պետք է լիներ մեր բնական սահմանագիծը»։ Իսկ ահա Մոնթե Մելքոնյանի մարտական ընկեր Աշոտ Ղարիբյանի հետ զրույցը առանց հումորային պատմությունների չանցավ։ Մոնթեի թևավոր խոսքերը, հումորային դրվագները պատերազմի տարիներից տղաների լավագույն հուշերն են։ «Ես Մարտունու ջոկատի Երկրապահի հրամանատարն էի։ Առանց իր [Մոնթեի] իմացության մասնակցեցի Շուշիի ազատագրմանը։ Դա իմ փափագն էր։ Մարդ, որ լսել է Շուշիի մասին երկար տարիներ, հիմա հնարավորություն ունի մտնելու այդ տարածք ու չմտնի՞։ Ես առանց տեղյակ պահելու գնացի, Մոնթեն չխոսեց ինձ հետ մեկ շաբաթ։ Բայց դե իմ արածն արեցի։ Հետո բացատրեցի, ինքն էլ ասաց, որ կուզենար մասնակցել, բայց այդ դեպքում՝ բա՞ Մարտունին»։ «Ինքը շատ լավ մարդ էր, այնքան լավը, որ մի օր դաշտում ծաղիկներ քաղեցի, կինը՝ Սեդան, եկել էր, տվեցի Մոնթեին ասաց՝ «Ասիգա ի՞նչ էնեմ», ասի Սեդային նվիրե «Ամո՛թ է, այսպիսի բան պատերազմի դաշտ է»։ Ասացի՝ Մոնթե ջան, ոչինչ չի ավարտվում։ Սեդան Երևանից եկել հասել է Մարտունի քաղաք։ Շատ գեղեցիկ կլինի, որ դու իրեն ծաղիկներով դիմավորես։ Ինքը ներքաշվել էր պատերազմի մեջ, իրեն ավելի հետաքրքիր էր ամեն մի մարտիկ, քան թե իր կնոջ հետ կապը։ 1991թ. Վազգեն Սարգսյանը բերեց ներկայացրեց, պետք է սատարեինք իրեն։ Մի դեպք եղավ նաև, որ ժողովուրդը հավաքվել էր ու պիտի որոշեր, թե արդյոք Մոնթեն պիտի մնար, թե ոչ։ Իմ ջոկատը սատար է կանգնել։ Նման խոսակցություն միշտ էլ եղել է։ Ես կցանկանայի, որ նրան ինչպես հիմա են մեծարում, այն ժամանակ էլ մեծարեին»։ Մոնթե Մելքոնյանի հետ կապված ներկայացնում ենք Աշոտ Ղարիբյանի պատմությունները։ [caption id="attachment_5928" align="alignnone" width="310"]Մոնթե Մելքոնյան Մոնթե Մելքոնյան[/caption] Սպանդարյան երկրապահից Լավրենտի հետ մի դեպք եմ հիշում։ Կանգնած էին, Մոնթեն հարցնում էր, թե ովքեր էին։ Իր ամենակեղտոտ բառը «Էշուն մեկն » էր։ — Դու ո՞վ ես։ — Ես հրամանատարն եմ։ — Դուն էշ ես։ — Դու ո՞վ ես։ — Ես հրաձիգն եմ։ — Դուն էլ ես Էշ։ — Լավրենտը, որ մեխանիկ-վարորդն էր ասաց՝ Մոնթե ջան, ես էլ եմ էշ։ — Ոչ, դուն էշ չես, դուն էշերուն ման տվողն ես։ *** Մեր տղաներից մեկը սպիտակ ձիուն նստած կարաբինը ուսին գալիս էր, մեկ էլ Մոնթեն գոռաց՝ — Վա՛ր իջիր ձիուց, Նորիկ։ — Ինչո՞ւ, ինչ եմ արել Ավո ջան։ — Վար իջիր ձիուց, սպիտակ ձին հեծած ես, քեզ Անդրանիկ կկարծե՞ս։    

Մոնթեն ռազմական բնածին տաղանդ ուներ. հիշում են նրան ճանաչողները

Հունիս 13, 2013 15:07 | RAZM.INFO - Երեկ՝ ՀՀ ազգային հերոս Մոնթե Մելքոնյանի մահվան տարելիցի օրը Եռաբլուրում Ռազմինֆոն զրուցեց հերոսին ճանաչող մարդկանց հետ։ Ստորև ներկայացնում ենք Մոնթեի մասին նրանց հուշերից մի քանիսը։ Continue reading

Մոնթեն ինձ հետ մի շաբաթ չխոսեց. Աշոտ Ղարիբյան

Ազատամարտիկներ (ձախից աջ). Վովա Վարդանով, Աշոտ Ղարիբյան, Տիգրան Խանումյան, Արկադի Սարգսյան Հունիս 12, 2013 19:33 | RAZM.INFO - Հունիսի 12-ին Ռազմինֆոն Եռաբլուրում հանդիպեց նաև Աշոտ Ղարիբյանին՝ Մոնթեի մարտական ընկերոջը։ — Ես Մարտունու ջոկատի Երկրապահի հրամանատարն էի։ Առանց իր [Մոնթեի] իմացության մասնակցեցի Շուշիի ազատագրմանը։ Դա իմ փափագն էր։ Continue reading

Մոնթեի քարտեզում Եվլախը բնական սահմանագիծ էր. Վովա Վարդանով

Հունիս 12, 2013 17:52 | RAZM.INFO - Հունիսի 12-ին՝ Մոնթե Մելքոնյանի մահվան 20-րդ տարելիցի օրը, Ռազմինֆոն Եռաբլուրում հանդիպեց հերոսի ընկերներից Սպանդարյան ջոկատի մարտական հրամանատար Աշոտ Ղարիբյանին և նրա հրամանատարներից հետախույզ Վովա Վարդանովին։ Continue reading

Եռաբլուրում հավաքվել էին հարգելու Մոնթեի հիշատակը

Հունիս 12, 2013 15:39 | RAZM.INFO - Այսօր՝ հունիսի 12-ին, Հայաստանի Ազգային հերոս, Արցախի հերոս Մոնթե Մելքոնյանի մահվան 20-րդ տարելիցն է։ Continue reading

Այսօր Մոնթե Մելքոնյանի զոհվելու 19-րդ տարելիցն է

Հունիս 12, 2012 10:18 | RAZM.INFO - 19 տարի առաջ այս օրը Մարզիլի գյուղի համար ընթացող մարտերից մեկում զոհվեց Մոնթե Մելքոնյանը։ Հավերժ փառք Ազգային Հերոսին ու հարատևություն իր գործին։