Tag Archives: «Ազգային համաձայնության կառավարություն»

Այսօր՝ օգոստոսի 17-ին, Թուրքիայի պաշտպանության նախարար Հուլուսի Աքարը, ԶՈւ ԳՇ պետ Յաշար Գյուլերի ուղեկցությամբ, մեկնել է Լիբիա՝ հանդիպելու Լիբիայի ժամանակավոր «Ազգային համաձայնության կառավարության» (GNA) ներկայացուցիչների հետ։

Հուլիսի 20-ին Եգիպտոսի խորհրդարանում քննարկվում է Լիբիա զորք ուղարկելու հարցը։ Եգիպտոսը նախատեսում է զորք ուղարկել հարևան երկիր այն դեպքում, եթե «Լիբիայի ժամանակավոր «Ազգային համաձայնության կառավարությանն» աջակցող թուրքամետ ուժերը շարժվեն դեպի լիբիական Սիրթ քաղաք»։

Թուրքական արտադրության «Հըզըր» զրահամեքենաների առաջին խմբաքանակն արտահանվել է աֆրիկյան երկրներից մեկը, որտեղից անցյալ տարի արտադրության պատվեր էր ստացվել։

Լիբիայի ժամանակավոր «Ազգային համաձայնության կառավարությունը» չի համաձայնվի հրադադար հաստատել, եթե Խալիֆա Հաֆթարի ուժերը շարունակեն մնալ Սիրթ քաղաքում և Ջուֆրա ավիաբազայում։

Լիբիայի ժամանակավոր «Ազգային համաձայնության կառավարությանը» ենթակա Տրիպոլիի ռազմական քոլեջի 190 կուրսանտներ ուսում ստանալու նպատակով մեկնել են Թուրքիա։ Կուրսանտների երկու խումբը Թուրքիա է մեկնել ուրբաթ օրը՝ հուլիսի 3-ին։

Հուլիսի 5-ի լույս 6-ի գիշերը Լիբիայի հյուսիսարևմտյան ալ֊Վաթիյա ավիաբազայի վրա ավիացիոն հարձակումներ են եղել։ Ավիաբազան մայիսին թուրքական զորքերի օգնությամբ գրավել էր Լիբիայի ժամանակավոր «Ազգային համաձայնության կառավարությունը», որից հետո այստեղ տեղակայվել են նաև թուրքական ՀՕՊ ուժեր։ Խալիֆա Հաֆթարի հրամանատարությամբ գործող «Լիբիայի ազգային բանակ»֊ին մոտ կանգնած աղբյուրների տվյալներով ավիահարվածներից թուրք բարձրաստիճան զինվորական է սպանվել։

Հուլիսի 3-ին Թուրքիայի պաշտպանության նախարար Հուլուսի Աքարը և զինված ուժերի գլխավոր շտաբի պետ Յաշար Գյուլերը 2019թ․ Լիբիայի ժամանակավոր «Ազգային համաձայնության կառավարության» և Թուրքիայի միջև ստորագրված հուշագրի շրջանակներում մեկնել են Լիբիայի մայրաքաղաք Տրիպոլի։

Հունիսի 17-ին Թուրքիայի արտգործնախարար Մևլյութ Չավուշօղլուն, նախագահի խոսնակ Իբրահիմ Քալընը, ֆինանսների նախարար Բերաթ Ալբայրաքը և ազգային հետախուզական ծառայության պետ Հաքան Ֆիդանը Տրիպոլիում հանդիպել են վարչապետ Ֆաիզ ալ-Սարաջի գլխավորած Լիբիայի «Ազգային համաձայնության կառավարությանը» (GNA): Կողմերը նախապես չէին հայտնել հանդիպման մասին:

Թուրքիայի տեսանկյունից Լիբիայի արևելյան իշխանության՝ Տոբրուք քաղաքում գտնվող Ներկայացուցիչների պալատի ղեկավար Աքիլյա Սալեհ Իսան դիտարկվում է որպես բանակցությունների ընդունելի գործընկեր, քանի որ նա է այդ կողմի ընտրված ներկայացուցիչը։ Թուրքական կողմը ցանկանում է, որ բանակցություններում հենց վերջինս ներկայացնի Լիբիայի արևելյան կողմը՝ գեներալ Խալիֆա Հաֆթարի փոխարեն։