Ռուսաստանի ռազմածովային ուժերի Կասպյան նավատորմի ստորաբաժանումների հետ անցկացվող վարժանքների ժամանակ նավատորմի ստորաբաժանումները բերվել են մարտական պատրաստության բարձր աստիճանի: Այս մասին հայտնում է ռուսաստանյան «ՌԻԱ Նովոստի» գործակալությունը:
ՌԴ Կասպյան նավատորմիղը զորավարժություն է անցկացրել Աստրախանում և Մախաչկալայում (արխիվ)
Վարժանքներին ներգրավվել են Աստրախանի ու Մախաչկալայի կայազորների, ինչպես նաև Դաղստանում տեղակայված ծովային հետևակի ստորաբաժանումները:
Այս վարժանքներով ստուգվում են ներգրավված ստորաբաժանումների միջև փոխգործակցությունն ու տեղեկատվության փոխանակման մակարդակը հավանական ռազմական գործողությունների դեպքում: Միաժամանակ ստուգվելու է նաև ստորաբաժանումների մարտունակությունն ու սպառազինությունը:
Վարժանքներին ներգրավվելու են հետևյալ նավերը (ըստ էության՝ Կասպյան նավատորմի գրեթե բոլոր ռազմանավերը, բացի կատերներից).
- «Թաթարստան» հրթիռային նավ,
- «Դաղստան» հրթիռային նավ,
- «Գրադ Սվիյաժսկ» փոքր հրթիռային նավ,
- «Ուգլիչ» փոքր հրթիռային նավ,
- «Վելիկի Ուստյուգ» փոքր հրթիռային նավ,
- «Վոլգադոնսկ» փոքր հրետանային նավ,
- «Մախաչկալա» փոքր հրետանային նավ: