Թուրքիայի ներքին գործերի նախարար Սումեյլման Սոյլուն ապրիլի 2-ին տվյալներ է տրամադրել 2016 թ. հուլիսի 15-ի ռազմական հեղաշրջման փորձից հետո ձերբակալվածների, այդ թվում՝ զինվորականների մասին: Սոյլուի հայտարարությունը նվիրված է եղել նաև «Քրդստանի աշխատավորական կուսակցության» (PKK) դեմ վերջին ամիսների գործողությունների ամփոփմանը: Այս մասին հայտնում է թուրքական պետական «Անադոլու» լրատվական գործակալությունը:
Համաձայն Թուրքիայի ՆԳՆ ղեկավարի տրամադրած տվյալների՝ 2016 թ. հուլիսի 15-ից հետո սկսված հետաքննության շրջանակներում մինչ օրս ձերբակալվել է 113260 անձ, որից 47155-ը ներկայում կալանքի տակ են: Մնացած 41,5 հազարը տնային կալանքի տակ է, 23861 կասկածյալ էլ ազատ է արձակվել: 863 անձ անձ դասալիք է համարվում:
| Թուրքիա. 2016թ. հուլիսի 15-ի ռազմ. հեղաշրջման փորձի դատական գործերի վիճակագրություն | |||||
| Ձերբակալված | Տնային կալանք | Ազատ արձակ. | Դասալիք | ||
| 47155 | 41499 | 23861 | 863 | ||
| Ոստիկան | 10732 | ||||
| Զինվորական | 7463 | ||||
| Գեներալ | 168 | ||||
| Քաղաքացիական | 26177 | ||||
| Դատական համակարգ | 2575 | ||||
| Ընդհանուր | 113260 | ||||
Կալանավորվածներից 10732-ը ոստիկան է, 7463-ը զինվորական և 168 գեներալ: Մնացածը դատական մարմինների ներկայացուցիչներ (2575), և քաղաքացիականներ (26177): Նշենք, որ դրանց շարքում հիմնականում ՆԱՏՕ-ի տարբեր կառույցներում ծառայող և Թուրքիա վերադառնալուց հրաժարված զինվորականները, քաղաքացիական աշխատողներն են:
Վերջին 6 ամսում «Քրդստանի աշխատավորական կուսակցության» դեմ իրականացվել է 12 հազար 500 զինվորական: Ըստ նույն տվյալների՝ այդ ժամանակահատվածում 921 զինյալ է «չեզոքացվել»: