Գերմանիայում փնտրում են զանգվածային տեսարանների դերասաններ՝ ՆԱՏՕ-ի զորավարժություններում որպես ռուս հանդես գալու համար։ Այս մասին հայտնում է «Կոմմերսանտ» պարբերականը։
Հայտարարությունը տարածել է գերմանական Optronic HR GmbH կադրային գործակալությունը, որը մասնագիտացված է ՆԱՏՕ և ԱՄՆ ԶՈւ զորավարժությունների համար դերասաններ հավաքելով։
Ավելի վաղ գործակալությունը դերասանների էր փնտրում անվտանգության աջակցման միջազգային ուժերի (ISAF) զորավարժությունների համար, որտեղ անհրաժեշտ էր մարմնավորել աֆղանցու։
Իսկ թե «ռուսները» որ զորավարժության համար են անհրաժեշտ, պարզ չէ։ Հայտնի է, որ զորավարժությունը ապրիլի 26-ին է անցկացվելու: Ամսաթվով այս զորավարժությունը համընկնում է ՆԱՏՕ-ի Ramstein Ambition 17 — Ramstein APEX 17 CAX զորավարժությունների զույգին, որոնք Գերմանիայում անցկացվելու են ապրիլի 24-ից մայիսի 5-ը:
Բոլոր դերասաններին տրամադրելու են ընդունող-հաղորդող սարքերով հատուկ բաճկոններ։ Այս սարքերի միջոցով զինծառայողները կարող են հաշվել, թե քանի հոգի է տուժում «ռազմական գործողությունների» ընթացքում։
Մեկ օրվա համար դերասաններին պատրաստ են վճարել 88-120 եվրո։
Այս փաստը ուշագրավ է այն համատեքստում, որ նամանատիպ ոճով է գործում նաև Ռուսաստանը: Այնտեղ կառուցվելու է Ռայխսթագի շենքի պատճենը, որը գրոհելու են կադետները զորավարժությունների ժամանակ։