Հյուսիսային Կովկասում հակաահաբեկչական պայքարին կներգրավվի նաև ՌԴ ազգային գվարդիան

Ռուսաստանի Ազգային գվարդիայի զորքերը ներգրավվելու են Հյուսիսային Կովկասում հակաահաբեկչական գործողություններ իրականացնող միացյալ զորախմբի կազմ։ Այս մասին մարտի 23-ին հայտնում է ռուսաստանյան «ՌԻԱ նովոստի» լրատվական գործակալությունը։

Նախատեսվում է , որ միացյալ զորախմբի կազմը  որոշելվու է ազգային գվարդիայի ղեկավարի (ազգային գվարդիայի մասով), ինչպես նաև դաշնային պետական մարմինների ղեկավարների առաջարկի հիման վրա։

ՌԴ ուժայիններ։ Նկարը՝ ՌԴ ազգային հակաահաբեկչական հանձնաժողովի

ՌԴ ուժայիններ։ Նկարը՝ ՌԴ ազգային հակաահաբեկչական հանձնաժողովի

Ռուսաստանի ազգային գվարդիան ստեղծվել է 2016 թվականի ապրիլին։ Նրա գործառույթներից են ահաբեկիչների և ծայրահեղականների դեմ պայքարը,  Ռուսաստանի տարածքում սահմանադրական կարգի պահպանումը, ինչպես նաև ՌԴ զինված ուժերի և սահմանապահների հետ երկրի տարածքային պաշտպանությանը մասնակցությունը:

Նկատենք, որ Ռուսաստանի տարածքներից ծայրահեղականների թվով հատկապես աչքի են ընկնում հենց Հյուսիսային Կովկասը և դրանից հյուսիս ընկած տարածքները: Այս տարածքների բնակչությունը հիմնականում մուսուլմանական է, ինչը պարարտ հող է ստեղծում «Իսլամական պետություն» և այլ ահաբեկչական կառույցների համար, որ տարածեն իրենց ծայրահեղական գաղափարները և անկայուն իրավիճակ ստեղծեն տարածաշրջանում:

Ավելացնենք, որ մարտի 22-ին ՀԱՊԿ գլխավոր քարտուղարի պաշտոնակատար Վալերի Սեմերիկովը հայտարարել է, որ Սիրիայում ահաբեկչական խմբավորումների շարքերում կռվում է Ռուսաստանի մոտ 2000-2500 քաղաքացի:

Կովկասի հանրապետությունների քարտեզ

Կովկասի հանրապետությունների քարտեզ

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *