Սաուդյան Արաբիան Չինաստանից 300 միավոր «Պտերոդակտիլ-2» (Wing Loong II) հեռահար հետախուզական-հարվածային ԱԹՍ է պատվիրել, իսկ գործարքը գնահատվում է շուրջ 10 միլիարդ ԱՄՆ դոլար, ինչը աննախադեպ է պատմության մեջ:
Այս մասին չինական աղբյուրներին հղում անելով հայտնում է ռուսաստանյան «Ռազմավարությունների և տեխնոլոգիաների վերլուծության կենտրոնի» (bmpd) բլոգը:
Չինաստանի արտադրության «Պտերոդակտիլ-2» (Wing Loong II) հարվածային անօդաչու թռչող սարքեր
Պատվերը տրվել է ԱԹՍ-ներ արտադրող «Չինաստանի պետական ավիացիոն արդյունաբերության կորպարացիայի» մաս կազմող «Չենգդու ինքնաթիռաշինական և հետազոտական ինստիտուտին»
«Պտերոդակտիլ-2» (Wing Loong II) ԱԹՍ-ն իր առաջին թռիչքը կատարել էր այս տարվա փետրվարի 27-ին: ԱԹՍ-ի արտահանման մրցույթը շահել էին դեռևս առաջին թեստային թռիչքից առաջ: Սակայն անօդաչուները գնող երկիրը, պայմանագրի գումարը և մատակարարվելիք սարքերի քանակը չէր բացահայտվում:
Նման պայմանագրի ստորագրմամբ Չինաստանը դառնում է ԱՄՆ-ից հետո ԱԹՍ արտահանող երկրորդ խոշոր երկիրը:
Նշվում է ,որ Սաուդյան Արաբիայի սպառազինությունում առկա էր «Պտերոդակտիլ-1» ԱԹՍ, որը օգտագործվում է նաև Եմենում ընթացող հակամարտությունում: