Հարավաֆրիկյան Հանրապետությունը դիմել է ՄԱԿ-ին՝ Իրանին ծովային բազավորման Umkhonto զենիթահրթիռային համալիրներ վաճառելու թույլտվություն ստանալու համար։ Գործարքը կարող է արժենալ շուրջ 118 մլն դոլար։ Այս մասին մարտի 19-ին հայտնել է հարավաֆրիկյան The Rapport թերթը։ Փոխանցում է իրանական «Թասնիմ» լրատվական գործակալությունը։
Պայմանագիրը համալիրներն արտադրող հարավաֆրիկյան Denel Dynamics ընկերության երբևէ ունեցած ամենամեծ գործարքը կարող է լինել։
Հիշեցնենք, որ 2016-ի դեկտեմբերին պաշտոնական այցով Իրանում էր Հարավաֆրիկյան Հանրապետության պաշտպանության նախարար Մափիսա Նքակուլան։ Հանդիպման ավարտին կողմերը փոխըմբռնման հուշագիր էին ստորագրել։
Umkhonto ԶՀՀ-ի փորձարկում
Umkhonto ԶՀՀ-ների արտադրությունը սկսվել է 1993 թվականից: Համակարգն առաջին անգամ փորձարկվել է 2005 թվականին։ Նախատեսված է ինքնաթիռներ, ուղղաթիռներ, թևավոր հրթիռներ խոցելու համար։ Umkhonto ԶՀՀ-ի հրթիռի արագությունը 2469 կմ/ժ է, թիրախի առավելագույն հեռավորությունը 12 կմ է, առավելագույն բարձրությունը՝ 10 կմ։
Հիշեցնենք, որ 2016 թվականին Ռուսաստանը ավարտեց պայմանագրով նախատեսված Ս-300 զենիթահրթիռային համալիրների մատակարարումը Իրանին։ Գործարքի արժեքը կազմել է 1 մլրդ դոլար։ Արբանյակային լուսանկարների ուսումնասիրությունը ցույց է տվել, որ Իրանը ստացել է 4 դիվիզիոն Ս-300ՊՄՈւ-2 զենիթահրթիռային համակարգ: Համալիրները առաջին անգամ փորձարկվել են 2017-ի մարտին։
Ս-300 ԶՀՀ-ի փորձարկում Իրանում
Իրանը արտադրել է նաև նաև Ս-300-ի իրանական տարբերակը՝ «Բավար-373-ը», այժմ կատարվում են համակարգի փորձարկումներ,նախատեսվում է դրանք ավարտել 2017-ի մայիսին։
Իրանական արտադրության հրթիռային համակրգերից են նաև «Մարսադ». «Թալաշ» ԶՀՀ-ները և այլն։
Նշենք, որ ՄԱԿ-Ի ԱԽ 2231 բանաձևով` 2015թ. հուլիսի 20-ից 2020թ. հոկտեմբերի 18-ը տանկեր, զրահամեքենաներ, ռազմական ուղղաթիռներ և ինքնաթիռներ, հրթիռային համակարգեր Իրանը կարող է ձեռք բերել միայն ՄԱԿ-ի ԱԽ-ի համաձայնությամբ:
Umkhonto ԶՀՀ-ի հրթիռը
Իրանական արտադրության «Մարսադ» զենիթահրթիռային համալիրը Իրանի ՀՕՊ զորավարժությանը