Իրանի և Պակիստանի ռազմածովային ուժերը անցկացրել են համատեղ զորավարժություն

Իրանի բանակի ռազմածովային ուժերը և  բարեկամական այցով Իրան ժամանած պակիստանյան նավախումբը Օմանի ծովում համատեղ զորավարժություն են անցկացրել։ Իրանական կողմից զորավարժությանը ներգրավվել է «Ջամարան»  ականակիրը, մեկ հրթիռային նավ  և մեկ ուղղաթիռ։

Այս մասին մարտի 15-ին տեղեկացնում է իրանական «ԻՍՆԱ» լրատվական գործակալությունը։

Իրանի և Պակիստանի ռազմածովային ուժերը զորավարժության ժամանակ (արխիվ)

Իրանի և Պակիստանի ռազմածովային ուժերը զորավարժության ժամանակ (արխիվ)

Զորավարժությանը ընդհանուր առմամբ ներգարվվել է 800 մարդ։ Իրականացվել են ծովային և օդային բեռնափոխադրումների վարժանքներ։

Պակիստանյան նավախումբը՝ կազմված «Թիփփու սուլթան» ականակիր նավից և «Ջուրրաթ» հրթիռային նավից, եռօրյա  բարեկամական այցով Իրան էր ժամանել մարտի 12-ին։

Նմանատիպ այցով Պակիստանի ՌԾՈւ նավերը Իրան են ժամանել  նաև 2014 և 2016 թվականներին։

Ավելի վաղ՝ 2016-ի սեպտեմբերին, Իրանը նույնպես  նավախումբ էր ուղարկել Պակիստան։ Այցի ընթացքում երկրները Պակիստանի Կարաչի նավահանգստում անցկացրել են համատեղ զորավարժություն: Զորավարժությանը ներգրավվել են իրանական «Լավան», «Ֆալախան», «Խանջար», «Քոնարակ» ռազմանավերը և Bell-212 բազմանպատակային ուղղաթիռը:

Իրանը նաև մասնակցել է  2017-ի փետրվարին Պակիստանում անցկացվող «Աման-17»  զորավարժությանը։

Հիշեցնենք, որ ավելի վաղ Իրանը նավախումբ էր ուղարկել  Ռուսաստան։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *