Մարտի 9-ին Վրաստանի ԶՈւ ԳՇ պետ, բրիգադի գեներալ Չաչիբաիայի և այլ բարձրաստիճան սպաների ուղեկցությամբ Վրաստանի պաշտպանության նախարար Լևան Իզորիան այցելել է երկրի ԶՈւ ԳՇ թիկունքի վարչության վերանորոգման բազա: Այս մասին հայտնում է Վրաստանի ՊՆ մամուլի ծառայությունը:
Բազայի ղեկավար, փոխգնդապետ Վաժա Արևաձեն պատվիրակությանը ներկայացրել է զինտեխնիկայի նորոգման գործընթացը:
Այցելության ժամանակ ՊՆ և ԳՇ ղեկավարները ծանոթացել են Տ-72 տանկերի, ԲՄՊ-1/2 հետևակի մարտական մեքենաների, «Ակացիա» հրետանային ինքնագնաց կայանքերի և այլ զինտեխնիկայի վերանորոգման աշխատանքներին:
Նախարարը հայտնել է, որ Վրաստանը կարևորում է տեղական ռազմարդյունաբերության զարգացումը, որը մարտական պատրաստության համար կարևոր պայման է: