Իրանը հակատանկային հրթիռային համակարգ է ներկայացրել Իրաքում

Բաղդադում  անցկացվող IQDEX-2017  միջազգային պաշտպանական արտադրանքների ցուցահանդեսում Իրանի ՊՆ պաշտպանական արդյունաբերության կազմակերպությունը ներկայացրել է «Փիրուզ» (թարգմ.՝ հաղթանակ) հակատանկային  հրթիռային համակարգը։ Այս մասին մարտի 8-ին տեղեկացնում է Defence Blog լրատվակայքը։

Իրանական «Փիրուզ» հակատանկային համակարգը

Իրանական «Փիրուզ» հակատանկային համակարգը

Համակարգը սպառազինված է  է 4 միավոր «Դեհլավիեհ» հակատանկային կառավարվող հրթիռներով։ Այն կարող է տեղադրվել տարբեր տեսակի մեքենաների վրա։ Հրթիռների առավելագույն հեռահարությունը 5 կմ է։

IQDEX-2017  միջազգային պաշտպանական արտադրանքների ցուցահանդեսը անցկացվել է մարտի 5-7-ը։ Իրանից ցուցահանդեսին մասնակցել են  պաշտպանության և զինված ուժերի աջակցման նախարարության պաշտպանական, ավիացիոն, ծովային արդյունաբերության կազմակերպությունները և աշխարհագրական կազմակերպությունը։

Պաշտպանական արդյունաբերության կազմակերպությունը ներկայացնելու էր կառավարվող, ճշգրիտ, հակատանկային հրթիռներ, կիսավտոմատ, ավտոմատ զենքեր,  շարժական հիվանդանոցներ, ռազմական մեքենաներ և այլն։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *