Ռուսաստանի ԶՈւ Կասպյան նավատորմի հրթիռային 7 նավ և ԶՈւ ռադիոտեխնիկական ծառայության պահակազորի հաշվարկները համատեղ զորավարժություն են անցկացրել: Այս մասին մարտի 7-ին հայտնում է ՌԴ ՊՆ կայքը:
Կասպյան նավատորմիղի «Ուգլիչ» փոքր հրթիռային նավը
Վարժանքներին մասնավորապես ներգրավված են եղել Կասպյան նավատորմի «Դաղստան», «Թաթարստան» հրթիռային նավերը, ինչպես նաև «Գրադ Սվիյաժսկ», «Ուգլիչ», «Վելիկի Ուստյուգ», «Վոլգոդոսնկ» և «Մախաչկալա» փոքր հրթիային նավերը:
Վարժանքների ժամանակ մշակվել են ստորջրյա և օդային թիրախների հայտնաբերման առաջադրանքներ, որոնց ժամանակ օգտագործվել է հրթիռային և հրետանային սպառազինություն:
Վարժանքներին օգտագործվել է նաև «Պոդսոլնուխ» տիպի ռադիոտեղորոշիչ կայան:
Զորավարժության հիմնական նպատակը ռադիոտեխնիկական ծառայության պահակազորի հաշվարկների և նավերի տեղակայման վայրերում ստորջրյա և օդային թիրախների հայտնաբերման գործողությունների համատեղման մշակումն է: