Հայաստանում տեղակայված ռուսաստանյան 102-րդ ռազմաբազայի հետախուզական ստորաբաժանումները վարժանքներ են սկսել բարձրլեռնային «Կամխուդ» զորավարժարանում։ Վարժանքներին ներգրավվել է 300 զինծառայող, 50 միավոր ռազմական տեխնիկա։
Այս մասին մարտի 7-ին տեղեկացնում է ՌԴ ՊՆ կայքը։
ՌԴ 102-րդ ռազմաբազայի հետախույզները ռազմաբազայի «Տիգր» զրահամեքենայի ֆոնին, (արխիվ)
Վարժանքներին զինծառայողները սովորելու են նորմատիվներ հանձնել կրակային, մարտավարական, ինժեներական պատրաստությունից, վարել ռազմական մեքենաներ։
Հատուկ առաջադրանքների կատարման համար զինծառայողները ողջ անձնակազմով իրականացնելու են 5 կիլոմետրանոց երթ, ինչպես նաև անծանոթ տեղանքում կողմնորշվելու, հանդերձավորվելու առաջադրանքներ։
Բացի այդ, հետախույզները 200-1500 մ հեռավորությունից հրաձգային զենքերով և մարտական մեքենաներով խոցելու են պայմանական հակառակորդի թիրախը, յուրացնելու են մերձամարտ վարելու,նռնակ նետելու հմտություններ։
Զինծառայողների գործողություններին հետևելու են անօդաչու թռչող սարքերով։
Վարժանքների ավարտին զինծառայողները հանձնելու են ստուգարքներ, որոնց ժամանակ հայտնաբերելու և վնասազերծելու են պայմանական հակառակորդի դիվերսիոն-հետախուզական խումբը։