Մարտի 6-ին Սիրիայի հյուսիսային Մանբիջ քաղաքում տեղակայված «Սիրիայի դեմոկրատական ուժերը» (SDF) Թուրքիայի ԶՈւ և հովանավորյալ զինյալների դեմ բախումներում կորցրել են 4 զինծառայող: Այս մասին հայտնում է քրդական «Հավար» լրատվական գործակալությունը:
Նշված ուժերի մեծամասնությունը Սիրիայի քրդերի «ինքնապաշտպանական ջոկատներ» զինուժի ստորաբաժանումներն են (YPG), որոնց Թուրքիան համարում է «ահաբեկչական», PKK-ի սիրիական թև:
Սակայն այդ ստորաբաժանումներին աջակցում է Միացյալ Նահանգները, ինչը բավականին բարդացնում է Թուրքիայի կարգավիճակը և գործողությունները քրդական ուժերի դեմ:
Մասնավորապես երեկ՝ մարտի 6-ին, Պենտագոնը հայտարարել էր, որ բախումներ թույլ չտալու համար սահմանափակ թվով ցամաքային ուժեր է ուղարկել Մանբիջ:
Իսկ արդեն մարտի 7-ին Թուրքիայում հանդիպել են այդ երկրի, ԱՄՆ և Ռուսաստանի ԶՈւ ԳՇ պետերը՝ քննարկելու սիրիական և իրաքյան հակամարտությունները: