Հայաստանը և Մեծ Բրիտանիան ստորագրել են 2017-2018 թ. համագործակցության պլանը

Մարտի 6-ին ՀՀ ՊՆ պաշտպանական քաղաքականության վարչության պետ Լևոն Այվազյանի և Մեծ Բրիտանիայի ՊՆ միջազգային անվտանգության քաղաքականության տնօրեն Նիք Գըրրի համանախագահությամբ ՀՀ ՊՆ-ում անցկացվել են հայ-բիրտանական ամենամյա ռազմաքաղաքական խորհրդակցությունները: Այս մասին հայտնում է ՀՀ ՊՆ կայքը:

ՀՀ պաշտպանության նախարարությունում անցկացվել է հայ-բիրտանական ամենամյա ռազմաքաղաքական խորհրդակցությունը

ՀՀ պաշտպանության նախարարությունում անցկացվել է հայ-բիրտանական ամենամյա ռազմաքաղաքական խորհրդակցությունը

Խորհրդակցություններին մասնակցել է նաև ՀՀ-ում Բրիտանիայի դեսպան Ջուդիթ Ֆարնուորթը:

Քննարկվել են նաև 2017-2018 թթ. համագործակցության ծրագրերը ռազմական կրթության և վարժանքների, կրտսեր հրամանատարների և խաղաղապահ հրահանգիչների պատրաստման, բարեփոխումների գործընթացում խորհրդատվության և այլն:

Այնուհետև ՀՀ և Մեծ Բրիտանիայի պաշտպանության նախարարությունների միջև ստորագրվել է պաշտպանության բնագավառում 2017-2018 թթ համագործակցության պլանը:

Ամփոփվել են պաշտպանության բնագավառում հայ-բրիտանական երկկողմ համագործակցության 2016 թվականի արդյունքները: Քննարկվել են նաև տարածաշրջանային անվտանգությանն առնչվող հարցեր:

Նշենք, որ հայ-բրիտանական առաջին ռազմաքաղաքական քննարկումներն անցկացվել են Հայաստանում 2014թ․ սեպտեմբերին։ Քննարկումների արդյունքում ստորագրվել էր հայ-բրիտանական ռազմական համագործակցության 2015-2016 թվականների պլանը։

Ավելի ուշ՝ 2015թ․ հուլիսին, Նիք Գըրն այցելել էր Հայաստան և ՀՀ պաշտպանության նախարարի հետ հանդիպման ընթացքում քննարկել Հայաստան-Բրիտանիա և Հայաստան-ՆԱՏՕ համագործակցությանն առնչվող հարցեր։

ՀՀ և Բրիտանիայի ՊՆ-ների միջև պաշտպանական բնագավառում համագործակցության շրջանակներում Լոնդոնում 2016-ի հունվարի 14-ին անցկացված հայ-բրիտանական երկրորդ ռազմաքաղաքական խորհրդակցությունների արդյունքում ՀՀ ՊՆ առաջին տեղակալը և Նիք Գըրը ստորագրել էին Հայաստանի և Բրիտանիայի ՊՆ-ների միջև պաշտպանական բնագավառում 2016-2017 թվականների համագործակցության պլանը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *