Թուրքիայի զինուժը PKK-ի դեմ գործողություններ է իրականացնում Դիարբեքիրում

Թուրքիայի զինուժը ռազմական գործողություն է իրականացնում «Քրդստանի աշխատավորական կուսակցության» (PKK) զինյալների դեմ երկրի հարավարևելյան Դիարբեքիր նահանգում: Գործողությանը ներգրավված է Թուրքիայի զինուժի 4 գումարտակ և 17 ուղղաթիռ: Այս մասին հայտնում է թուրքական «Հյուրիեթ» պարբերականի կայքը:

Թուրքիայի զինուժը գործողություն է իրականացնում PKK-ի դեմ Դիարբեքիր նահանգում

Թուրքիայի զինուժը գործողություն է իրականացնում PKK-ի դեմ Դիարբեքիր նահանգում

Դիարբեքիրի Լիջե գավառի 18 շրջաններում «փողոց դուրս գալու արգելք» է հայտարարվել, ինչից հետո սկսվել է գործողությունը:

Դիարբեքիրի նահանգապետարանը հայտնել է, որ գործողությանը մասնակցում է ժանդարմերիայի շուրջ 7000 զինծառայող, ոստիկանության հատուկ նշանակության ուժերի 600 զինծառայող, 559 «գյուղական պահապան» (köy korucu): Բացի այդ գործողություններին ներգրավվել են Թուրքիայի զինուժի  33 միավոր «Կոբրա», 35 միավոր «Քիրփի» և 16 միավոր «Էժդեր» զրահամեքենաներ:

Աղբյուրի համաձայն՝ Դիարբեքիրում գործողության ժամանակ հայտնաբերվել են քրդական կառույցի մի քանի թաքստոց, ապաստարան և պահեստ, «շարքից հանվել են» PKK-ի զինյալներ:

Հիշեցնենք, որ մարտի 3-ին Թուրքիայի ժանդարմերիան PKK-ի դեմ գործողություններ է իրականացրել երկրի արևելյան Աղրը (Արարատ) և Թոնդրակ լեռների շրջանում (ՀՀ սահմանամերձ Աղրը և Իգդիր նահանգներ):

Հիշեցնենք, որ թուրքական ուժայինների և քրդերի միջև բախումները հիմնականում Թուրքիայի հարավային և արևելյան նահանգներում վերսկսվել են դեռևս 2015-ի ամռանից:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *