Սիրիայում ականի պայթյունից ծանր վիրավորում է ստացել ՌԴ ԶՈւ արևմտյան ռազմական շրջանի շտաբի՝ մարտական պատրաստության հարցերով ղեկավար, գեներալ-մայոր Պյոտր Միլյուխինը: Այս մասին հայտնում է ռուսաստանյան «Ֆոնտանկա» առցանց թերթը:
Վիրավորվելու հետևանքով զինվորականը կորցրել է երկու ոտքը և աչքը:
Ըստ աղբյուրի՝ Միլյուխինը վիրավորվել է մոտ մեկ շաբաթ առաջ Սիրիայում և հատուկ չվերթով տեղափոխվել է Մուսկվայի Բուրդենկոյի անվան ռազմական հոսպիտալ: Հոսպիտալից պատասխանել են, որ Միլյուխինը իրենց մոտ է, սակայն ավելին ասելու իրավունք չունեն: Այս մասին ռուսաստանյան մեկ այլ աղբյուրին հաստատել են նաև ՌԴ ԶՈւ արևմտյան շրջանի շտաբից:
Հաղորդվում է, որ Միլյուխինը Սիրիայում ՌԴ ԶՈւ խմբավորման հրամանատար Անդրեյ Կարտապոլովի ենթական է:
Սա առաջին դեպքն է, երբ Սիրիայում ՌԴ ԶՈւ գեներալ է ծանր վիրավորվում: Մինչ այս՝ Սիրիայում Ռուսաստանի զորախմբի տեղակայումից հետո, ռուսաստանյան ուժերը կորցրել են մոտ 50 զինծառայող: