Փետրվարի 28-ին Չինաստանի պետական Xinhua News լրատվական գործակալությունը հայտնել է, որ Չինաստանը ստորագրել է «Պտերոդակտիլ-2» (Wing Loong II) հարվածային անօդաչու թռչող սարքերի արտահանման խոշոր պայմանագիր:
Չինաստանյան աղբյուրը հայտնում է, որ ԱԹՍ-ի արտահանման մրցույթը շահել են դեռևս փետրվարի 27-ին առաջին թեստային թռիչքից առաջ: Սակայն առայժմ անօդաչուները գնող երկիրը, պայմանագրի գումարը և մատակարարվելիք սարքերի քանակը չեն բացահայտվում:
Չինաստանի արտադրության «Պտերոդակտիլ-2» (Wing Loong II) հարվածային անօդաչու թռչող սարքեր
Նման պայմանգրի ստորագրմամբ Չինաստանը դառնում է ԱՄՆ-ից հետո ԱԹՍ արտահանող երկրորդ խոշոր երկիրը: Միևնույն ժամանակ պետք է նշել, որ իր տեսքով և մարտավարատեխնիկական բնութագրով չինական ԱԹՍ-ն նման է Միացյալ Նահանգների արտադրության MQ-9 Reaper խոշոր հարվածային ԱԹՍ-ին:
«Պտերոդակտիլ-2» (Wing Loong II) հարվածային ԱԹՍ-ի ՄՏԲ.
- Թևերի բացվածը — 20մ,
- Երկարությունը — 11մ,
- Սպառազինությունում — «օդ-ցամաք» տիպի ավիառումբեր, հրթիռներ,
- Թռիչքի առաստաղը — 9000 մ,
- Առավելագույն արագությունը — 370 կմ/ժ,
Ամերիկյան Reaper ԱԹՍ-ի թռիչքի առաստաղը շուրջ 15 կմ է, իսկ առավելագույն արագությունը գերազանցում է 400 կմ/ժ-ը: Ամերիկյան անօդաչուի թռիչքի տևաղությունը ևս փոքր-ինչ գերազանցում է չինականինը՝ 20 ժամի փոխարեն շուրջ 24 ժամ:
Ավելացնենք, որ չինական ԱԹՍ-ն առաջին անգամ ցուցադրվել է 2016 թ.: Այն նախատեսված է հետախուզման, ավիահարվածների, ռադիոէլեկտրոնային պայքարի համար: