Թուրքիայի ԶՈւ ԳՇ և ՊՆ անձնակազմը 2017 թ. մարտի դրությամբ. աղյուսակ

Թուրքիայի զինված ուժերի ԳՇ կայքը հրապարակել է ԶՈւ թվաքանակը՝ 2017 թ. մարտի 1-ի դրությամբ: Ըստ այդ տվյալների՝ թուրքական զինուժի և պաշտպանության նախարարության անձնակազմը 407.317 է, որից 38.607-ը քաղաքացիական աշխատողներ են, իսկ 368.710-ը՝ զինծառայողներ։

Թուրքիայի ԶՈւ պրոֆեսիոնալ անձնակազմի թվաքանակը գրեթե չի պակասել և կազմում է նույնքան՝ շուրջ 153 հազար: Փոխարենը շուրջ 7 հազարով աճել է զորակոչված անձնակազմը՝ 2017 թ. փետրվարի 1-ի դրությամբ կազմելով 215.322 զինծառայող:

Համաձայն հրապարակված տվյալների՝ թուրքական զինուժում գեներալների և ծովակալների թիվը 201 է: Փետրվարին հրապարակված տվյալների համեմատ փոփոխություն չկա, սակայն հունվարի համեմատ 2 գեներելով պակասել է: 2016 թ. հուլիսին՝ Թուրքիայում ռազմական հեղաշրջման փորձից առաջ, թուրքական զինուժում առկա գեներալներից և ծովակալներից 223-ը ներկայում այլևս չի ծառայում, շուրջ 150-ն անցնում են տարբեր քրեական գործերով:

Սպաների թիվը 25518 է, ենթասպաների թիվը՝ 64059-ը: Այս երկու տվյալներում ևս նախորդ ամսվա համեմատ գրեթե փոփոխություն չկա: Պրոֆեսիոնալ սերժանտների (հատուկ պայմանագրային եֆրեյտորներ) թիվը հունվարի դրությամբ 47294 է:

Թուրքիայի ԶՈւ ԳՇ և ՊՆ անձնակազմը 2017 թ. մարտի դրությամբ. աղյուսակ.

Զինվորական կոչում փետրվար մարտ
Գեներալ, ծովակալ 201 201
Սպաներ 25.728 25.518
Ենթասպաներ 64.655 64.059
Հատուկ պայմանագրային եֆրեյտորներ 47.167 47.294
Պայմանագրային եֆրեյտորներ, շարքայիններ 16.018 16.316
Պրոֆեսիոնալ անձնակազմ 153.769 153.388
Զորակոչված անձնակազմ 208.515 215.322
Քաղաքացիական կազմ (ՊՆ, ԶՈւ) 38.915 38.607
Ընդհանուր թվաքանակ 401.199 407.317
Պայմանագրային զին. թիվը տոկոսով 42% 42%

One response to “Թուրքիայի ԶՈւ ԳՇ և ՊՆ անձնակազմը 2017 թ. մարտի դրությամբ. աղյուսակ

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *