Ամերիկյան Lockheed Martin ընկերության F-35 կործանիչ-ռմբակոծիչների պատրաստման ժամկետների ուշացումը և ինքնաթիռների բարձր արժեքը, ինչպես նաև Քուվեյթի հետ 10,1 մլրդ դոլար արժողությամբ վաճառքի պայմանագիրը նոր հնարավորություններ են բացել ամերիկյան մեկ այլ՝ Boeing ընկերության F/A-18 կործանիչ-ռմբակոծիչների ծրագրի շարունակման համար:
Այս մասին հայտնում է Bloomberg լրատվական գործակալությունը:
F/A-18 Super Hornet ինքնաթիռը իր առաջին թռիչքը կատարել էր 1995-ին, սակայն ծրագրի շարունակման հեռանկարնեը խամրեցին, երբ 2001-ին ամերիկյան Lockheed Martin ընկերությունը սկսեց F-35 կործանիչ-ռմբակոծիչների ծրագիրը, իսկ 2016- օգոստոսի 2-ին առաջին խմբաքանակը մտավ ԱՄՆ ԶՈւ սպառազինության մեջ:
Սակայն Boeing ընկերության ռազմական ինքնաթիռների ծրագրի ղեկավար Դեն Գիլիանը հայտնել է F/A-18 ինքնաթիռները արդիականացնելու, ինչպես նաև արտադրության ծավալները մեծացնելու մտադրության մասին:
Ծրագրի շարունակման համար հեռանկարներ են բացում Քուվեյթին շուրջ 10,1 մլրդ դոլարի արժողությամբ F/A-18 ինքնաթիռների խմբաքանակ վաճառելու ԱՄՆ Կոնգրեսի թույլատվությունը և Հնդկաստանին, Ֆինլանդիայի և Շվեյցարիային հնարավոր վաճառքը, ինչպես նաև Կատարի կողմից Boeing ընկերությանը 21,1 մլրդ դոլարի F-15 ինքնաթիռների պատվերը:
Բացի այդ, ծրագրին շարունակմանը հնարավորություն է տալիս Lockheed Martin ընկերության կողմից F-35 ինքնաթիռների պատվերների ուշացումը: Մասնավորապես նշվում է, որ ինքնաթիռի F-35C տարբերակը պատրաստ կլինի մինչև 2018-ը, իսկ ԱՄՆ նավատորմի 260 և Ծովային հետևակի կորպուսների 80 ինքնաթիռների պատվերները կարող են տևել 10 տարուց ավելի:
F-35C տարբերակը նախատեսված է ռազմաօդային ուժերի համար, այն կարողանում է ցածր արագություններում բարձր մանևրայնություն ցուցաբերել:
Միևնույն ժամանակ նշվում է, որ ամերիկյան F-35 կործանիչ-ռմբակոծիչ ինքնաթիռների գինը 95 մլն ամերիկյան դոլարից կարող է նվազել մինչև 80 մլն դոլար: Բայց սա վերաբերելու է հետագա պատվերներին, ոչ թե արդեն պատվիրված ինքնաթիռներին: Այս մասին իր միկրոբլոգում հայտնել էր նաև ԱՄՆ նախագահը:
…design or negotiations yet. When I do, just like with the F-35 FighterJet or the Air Force One Program, price will come WAY DOWN!
— Donald J. Trump (@realDonaldTrump) February 11, 2017
Հիշեցնենք նաև, որ F-35 կործանիչ-ռմբակոծիչ ինքնաթիռներ են ձեռք բերել Իսրայելը և Ճապոնիան, իսկ Թուրքիան առաջին 2 միավորը կստանա 2018-ին: