Փետրվարի 22-ին «Ստոկհոլմի խաղաղության միջազգային հետազոտությունների ինստիտուտը» (SIRPI) հրապարակել է 2016 թ. զենքի համաշխարհային առևտրի վերբերյալ սեփական հետազոտությունը, համաձայն որի՝ 2016 թ. Հայաստանը գնել է 79 մլն դոլար արժողությամբ զենք: Այս ցուցանիշով Հայաստանը 2016 թ. ընթացքում զենքի համաշխարհային ներկրողների ցանկում 52-րդն է:
2016 թ. զենքի համաշխարհային ներկրողների ցուցակը՝ ըստ «Ստոկհոլմի խաղաղության միջազգային հետազոտությունների ինստիտուտի» (SIRPI)
Մեկ այլ ցուցակում SIRPI-ին նշում է, որ 2016 թ. Հայաստանը Ռուսաստանից գնել է 4 միավոր 9P38 «Իսկանդեր» օպերատիվ մարտավարական հրթիռային համալիր, ինչպես նաև համալիրների համար նախատեսված 25 միավոր հրթիռ:
Նշենք, սակայն, որ զեկույցն ամենայն հավանականությամբ թերի է, քանի որ այստեղ ներառված չեն առնվազն նույն 2016 թ. սեպտերմբերի 21-ի զորահանդեսին ցուցադրված «Բուկ» զենիթահրթիռային համալիրները, «Սմերչ» համազարկային կրակի ռեակտիվ համակարգերը և այլ զինտեխնիկա:
Ավելացնենք, որ համաձայն նույն ինստիտուտի հետազոտության՝ 2010-16 թթ. Հայաստանը ներկրել է ընդհանուր առմամբ 152 մլն դոլարի զենք, այդ թվում՝ 142 մլն դոլարի՝ Ռուսաստանից, 7 մլն դոլարի՝ Ուկրաինայից, ինչպես նաև ևս 2 մլն դոլար արժողությամբ զենք Մոնտենեգրոյից:
Ինչ վերաբերում է «Իսկանդեր» համալիրներին, ապա 2017 թ. փետրվարի 22-ին ՀՀ պաշտպանության նախարար Վիգեն Սարգսյանը հայտարարել էր, որ դրանք պատկանում են Հայաստանին, և դրանք կառավարում են նրանք, ում համալիրները պատկանում են:
Հայաստանի զենքի ներկրումները 2016 թ.՝ ըստ 2016 թ. զենքի համաշխարհային ներկրողների ցուցակը՝ ըստ «Ստոկհոլմի խաղաղության միջազգային հետազոտությունների ինստիտուտի» (SIRPI)