ՀՀ ԶՈւ ֆիզպատրաստության և սպորտի բաժնի ներկայացուցիչները ՀՀ դահուկային սպորտի ֆեդերացիայի մարզիկների հետ փետրվարի 22-ից 28-ը Սոչիում կմասնակցեն զինվորականների ձմեռային 3-րդ համաշխարհային խաղերին:
Այս մասին հայտնում է ՀՀ ՊՆ կայքը՝ նշելով, որ ՀՀ ԶՈւ մարզիկները խաղերին մասնակցելու են ՌԴ ԶՈւ գլխավոր շտաբի պետ-ՌԴ պաշտպանության նախարարի առաջին տեղակալի հրավերով:
Ձﬔռային համաշխարհային զինվորական խաղերն անցկացվում են յուրաքանչյուր 4 տարին մեկ՝ ձմեռային օլիմպիական խաղերին նախորդող տարվա ընթացքում: Առաջին ձմեռային զինվորական խաղերն անցկացվել են 2010 թ.՝ Իտալիայում: Մասնակցել են 43 երկրի շուրջ 800 ներկայացուցիչներ:
Սոչիում անցկացվող ձմեռային համաշխարհային զինվորական խաղերն ընդհանուր առմամբ ներառում են հետևյալ մարզաձևերը՝
- Բիաթլոն (Ներառյալ պարեկանավերով մրցում),
- Դահուկավազք,
- Լեռնադահուկային սպորտ,
- Լեռնագնացություն,
- Չմշկավազք,
- Շինության ներսում մագլցում,
- Դահուկներով սպորտային կողմնորոշում: