Փետրվարի 22-ին Թուրքիայի հարավարևելյան Մարդին նահանգի Նուսայբին գավառում Թուրքիայի զինուժի և «Քրդստանի աշխատավորական կուսակցության» (PKK) զինյալների միջև բախումներում վիրավորվել է Թուրքիայի անվտանգության 2 ծառայող:
Այս մասին հայտնում է թուրքական պետական «Անադոլու» գործակալությունը
2016-ի մարտի 27-ին PKK-ի զինյալները թուրքական ժանդարմերիայի զրահամեքենա են պայթեցրել Նուսայբինում, սպանվել են ուժայիններ
Նշենք, որ փոտրվարի 11-ից Նուսայբին գավառում Թուրքիայի զինուժը հատուկ գործողություններ է իրականացնում PKK-ի զինյալների դեմ: Բացի այդ, փետրվարի 22-ին Նուսայբին գավառի մի քանի շրջաններուն «փողոց դուրս չգալու» հրաման է տրվել:
Թուրքական ուժայինների և քրդերի միջև բախումները հիմնականում Թուրքիայի հարավային և արևելյան նահանգներում սկսվել են դեռևս 2015-ի ամռանից, երբ թուրքական կողմը լայնածավալ ռազմական գործողություններ սկսեց երկրի ներսում քրդերի դեմ: Մինչև այժմ այդ բախումները երկուստեք կորուստներով շարունակվում են՝ պարբերաբար ինտենսիվանալով և մեղմանալով (Թուրքիայում թուրք-քրդական բախումների մասին մանրամասն՝ այստեղ):
Միևնույն ժամանակ նշենք, որ Թուրքիայի իշխանությունները 2016-ին էլ ավելի ավելացրին իրենց հետապնդումներն ու ճնշումները Թուրքայի ընդդիմադիր, քրդամետ «Ժողովուրդների դեմոկրատական» կուսակցության (HDP) նկատմամբ: 2016-ին նոյեմբերին Թուրքիայի իշխանությունները ձերբակալեցին HDP համանախագահներ, ղեկավարներ Սելահաթթին Դեմիրթաշին և Ֆիգեն Յուքսեքդաղին, ու կուսակցության մի քանի այլ պատգամավորների: Ինչից հետո բախումները կրկին ինտենսիվացան: