Իրանը տեղական արտադրության 5 տեսակի նոր զենք է ներկայացրել

Փետրվարի 6-ին Իրանի պաշտպանության նախարարությունը ներկայացրել է տեղական արտադրության 5 տեսակի նոր զենք, այդ թվում՝ «Ֆաջր-5» կառավարվող հրթիռը, 40մմ տրամաչափով նռնականետ, «Միսաղ-3» շարժական զենիթահրթիռային համալիրը, 5.56×45 տրամաչափի «Մասաֆ» ավտոմատը և ատրճանակ։ 

Այս մասին տեղեկացնում է իրանական «Թասնիմ» լրատվական գործակալությունը։

Ներկայացված արտադրանքի մասին այլ մանրամասներ չեն հրապարակվել։

Նշենք , որ «Մասաֆ» ավտոմատը Իրանը ներկայացրել է դեռ 2016-ի հոկտեմբերին՝ IPAS-2016 սպառազինությունների  միջազգային ցուցահանդեսի ժամանակ։

Իրանական արտադրության «Ֆաջր-5» կառավարվող հրթիռ

Իրանական արտադրության 40 մմ տրամաչափով նռնականետ

«Միսաղ-3» շարժական զենիթահրթիռային համալիր

5.56*45 տրամաչափի «Մասաֆ» ավտոմատ

Իրանական արտադրության ատրճանակ