Զինծառայողների ապահովագրման հիմնադրամի առաջին վճարները նախատեսվում են խորհրդի ձևավորվելուց հետո

Առաջիկա օրերին կձևավորվի զինծառայողների ապահովագրման հիմնադրամի խորհրդի կազմը, որը կհաստատի վճարների տրման կարգը, այնուհետև խորհրդի ձևավորվելուց հետո առաջին իսկ ամսվա մեջ կարվեն առաջին վճարները: Այս մասին պաշտպանության նախարարը հայտնեց ՀՀ ՊՆ վարչական համալիրում իր ասուլիսի ժամանակ։

ՀՀ պաշտպանության նախարար Վիգեն Սարգսյանի ասուլիսը

ՀՀ պաշտպանության նախարար Վիգեն Սարգսյանի ասուլիսը

Հիմնադրամը ձևավորվում և օրենքով տարածվում է հունվարի 1-ից ծագած դեպքերի վրա: Սակայն նախարարը նշեց, որ իրենք, այնուամենայնիվ, գտնելու են ձևը, և արդեն սկսել են դեկտեմբերի վերջին Տավուշում զոհված զինծառայողների ընտանիքներին նույնչափ, նույն ծավալի գումարով վճարելու ճանապարհները գտնել՝ մասնավոր նվիրատվությունների, լրացուցիչ հովանավորների հաշվին:

Նախարարը նաև նշեց, որ հիմնադրամի համար կայքէջ է պատրաստված. «Երբ խորհուրդը ստեղծվի և հետո հաստատի հետո այդ ամբողջը, առցանց երևալու է  և´ մուտքը ամբողջությամբ, և´պարտադիր վճարները, և՜ կամավորների նվիրատվությունները, և´ ելքերը՝ կոնկրետ մարդկանց թվերով և այլն»:

Հիշեցնենք, որ հիմնադրամը գումարներ է վճարելու այն զինծառայողների ընտանիքներին, ովքեր մահացել կամ հաշմանդամություն են ստացել մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կատարելու ժամանակ: Հիմնադրամի նախագծին մանրամասն կարող եք ծանոթանալ այստեղ։

One response to “Զինծառայողների ապահովագրման հիմնադրամի առաջին վճարները նախատեսվում են խորհրդի ձևավորվելուց հետո

  1. Pingback: ՀԿ-ները կարող են մասնակցել «Զինծառայողների ապահովագրության» հիմնադրամի խորհրդի ընտրությանը | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *