Իրանական 44-րդ նավատորմիղը՝ կազմված «Ալվանդ» ռազմանավից և «Բուշեհր» թիկունքային ապահովման նավից, վերանորոգումների համար կանգ է առել հարավային Աֆրիկայի Դուրբան նավահանգստում։ Այս մասին հունվարի 19-ին հայտնում է Janes ռազմական հանդեսը։
Պատճառն այն է, որ անսարքությունների վերացման համար վերանորոգումներ է անցնում «Բուշեհր» ռազմանավը, քանի որ հրապարակված արաբանյակային լուսանկարներում երևում է, որ այն տեղափոխվել է լողացող պլատֆորմի վրա։
Ըստ ռազմական հանդեսի՝ նավերը Դուրբանում են կայանել հունվարի 1-ին, այնինչ նոյեմբերի 21-ին Իրանի ՌԾՈւ հրամանատար Հաբիբոլահ Սայարին հայտարարել էր, որ նավատորմիղը առաջին անգամ Ատլանտյան օվկիանոսի ջրեր է մուտք գործել և կայանել Դուրբանում։
Իրանի ՌԾՈւ 44-րդ նավատորմիղը իրանական քաղաքացիական, առևտրային նավերի անվտանգությունը ծովահեններից ապահովելու համար 2016թ. հոկտեմբերի 5-ին ուղևորվել էր Ատլանտյան օվկիանոսում և Աֆրիկայի միջազգային ջրերում հերթապահության:
Արդեն հոկտեմբերի 17-ին նավատորմիղը Ադենի ծովածոցում հետ էր մղել իրանական առևտրային նավերի վրա ծովահենների հարձակումը:
Իրանական ռազմանավերը Ադենի ծովածոցում և Կարմիր ծովում հերթապահություն անում են սկսած 2008 թվականից, երբ ծովահենները առևանգել էին իրանական բեռնատար նավ:
Pingback: Ռազմաշաբաթ. Տարածաշրջան. 15 – 21 հունվարի, 2017 | Ռազմ.info