Վրաստանում ձերբակալվել է պաշտպանության նախկին նախարարը

Վրաստանի Ներքին գործերի և պաշտպանության նախկին նախարար Բաչո Ախալայան Վրաստանի Գլխավոր դատախազությունում հարցաքննությունից հետո ձերբակալվել է: Այդ մասին հայտնում է ՌԻԱ Նովոստին՝ վկայակոչելով «Մաեստրո» հեռուստաալիքը:

Պաշտպանության նախկին նախարար Բաչո Ախալայա

Պաշտպանության նախկին նախարար Բաչո Ախալայա

Նոյեմբերի լույս 7-ի գիշերը ձերբակալվել են նաև Վրաստանի ԶՈՒ Միացյալ շտաբի պետ Գեորգի Կալանդաձեն և 4-րդ բրիգադի հրամանատար Զազա Շամատավան: Ձերբակալությունների պատճառներն առայժմ հայտնի չեն: Ախալայայի փաստաբան Դավիդ Դեկանոիձեն ասել է, որ նախկին նախարարը մեղադրվում է ծառայողական լիազորությունները չարաշահելու համար և հավելել, որ առայժմ հայտնի չէ, թե դատախազությունից նրան ուր են տեղափոխել:

Ախալայայի ձերբակալության պատճառը Գլխավոր դատախազությանն ուղղված ՊՆ նախկին աշխատակիցների բողոքներն են:

Վրաստանի «Միացյալ ազգային շարժում» կուսակցության ներկայացուցիչն Ախալայայի ձերբակալությունն անվանել է «վախկոտ մարդկանց արաք»:

Բաչո Ախալայան ղեկավարել է Վրաստանի ՆԳՆ-ն ընթացիկ տարվա ամռանը, իսկ խորհրդարանական ընտրություններից օրեր առաջ «բանտային հայտնի սկանդալի» պատճառով պաշտոնաթող է եղել:

Այդ ժամանակ նա հայտարարել էր, որ բարոյական պատասխանատվություն է զգում, քանի որ բանտարկյալների նկատմամբ անմարդկային վերաբերմունք ցուցաբերած անձանցից շատերին ինքն է աշխատանքի ընդունել:

Պաշտոնաթողությունից հետո Ախալայան հեռացել էր Վրաստանից, սակայն նոյեմբերի 5-ին վերադարձել էր՝ հայտարարելով, որ պատրաստ է պատասխանել իրեն ուղղված բոլոր հարցերին:

2009-2012 թվականներին Բաչո Ախալայան զբաղեցրել է Վրաստանի պաշտպանության նախարարի պաշտոնը:

Աղբյուրներ՝ http://ria.ru/asia/20121107/909815763.html
http://vz.ru/news/2012/11/7/605963.html

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *