Թուրքիան Սիրիայում է քրդերի և ԻՊ դեմ պայքարելու համար․ Թուրքիայի ՊՆ

Թուրքիայի պաշտպանության նախարար Ֆիքրի Ըշըքը խոսել է Սիրիայում Թուրքիայի ԶՈւ հիմնական նպատակներից՝ նշելով երեք հիմնական պատճառ։ Ըշըքը հայտարարել է, որ Թուրքիայի համար Սիրիայի քրդերի ինքնապաշտպանության ջոկատները (YPG) նույնքան վտանգավոր են, որքան «Իսլամական պետությունը»։  Այս մասին հայտնում է թուրքական «Հաբեր Թյուրք» լրատվակայքը։

Խոսելով Սիրիայում Թուրքիայի հիմնական նպատակներից, ինչի համար օգոստոսի 24-ից թուրքական զինուժը գործողություններ է սկսել այդ երկրի հյուսիսում՝ Թուրքիայի ՊՆ-ն առանձնացրել է 3 հիմնական նպատակ․

  • Թուրքիայի սահմանը մաքրել ԻՊ զինյալներից
  • Թույլ չտալ, որպեսզի Սիրիայի տարածքում քրդական երկու կանտոնները միավորվեն
  • Սիրիայի ընդդիմադիրների համար «անվտանգության գոտի» ստեղծել

Ավելացնենք, որ նեյեմբերի վերջին Թուրքիայի նախագահը որպես գլխավոր պատճառ նշել էր Սիրիայի նախագահ Բաշար Ասադի իշխանությանը վերջ տալը։ Սակայն հետագայում Ռուսաստանի հետ բանակցությունների արդյունքում թուրքական կողմը դադարեց այս պատճառը նշել։

Իրականում կարող ենք փաստել, որ սա ևս Թուրքիայի նպատակների թվում է՝ վերը նշված մյուս պատճառների հետ միասին։ Այդ թվում՝ գործողությունների ընթացքը ցույց է տաիս, որ Թուրքիայի համարա առավել առաջնահերթը քրդական պետականության կազմավորումը թույլ չտալն է։ Քանի որ ԻՊ դեմ գործողությունները Սիրիայի հյուսիսում սկսվեցին միայն այն բանից հետո, երբ քրդական ուժերը շարժվեցին Մանբիջ՝ այնուհետև նպատակ ունենալով միացնել Եփրատից արևելք և արևմուտք ընկած երկու ինքնավար շրջանները։

Այս տեսանկյունից Թուրքիայի համար հրամայական էր դարձել ԻՊ-ից Ալ-Բաբի գրավումը, ինչը թույլ կտա «սեպ խրել» քրդական երկու ինքնավար շրջանների միջև։ Այս և այլ խնդիրների վերաբերյալ առավել մանրամասն կարող եք ընթերցել հետևյալ հղումներով․

Իրադրությունը Սիրիայում 2016 թ․ դեկտեմբերին

Իրադրությունը Սիրիայում 2016 թ․ դեկտեմբերին

Նուն ելույթի շրջանակներում Թուրքիայի պաշտպաության նախարարը նաև հայտարարել է, որ ԻՊ ձեռքում 3 թուրք զինծառայող կա։ Սակայն Ըշըքը չի հստակեցրել նրանց ճակատագիրը։

4 responses to “Թուրքիան Սիրիայում է քրդերի և ԻՊ դեմ պայքարելու համար․ Թուրքիայի ՊՆ

  1. Pingback: «Իսլամական պետության» ձեռքում Թուրքիայի ԶՈւ 3 զինծառայող կա․ Թուրքիայի ՊՆ | Ռազմ.info

  2. Pingback: Ռազմաշաբաթ. Տարածաշրջան. 18 – 24 դեկտեմբերի, 2016 | Ռազմ.info

  3. Pingback: Սիրիայում վիրավորված ևս մեկ թուրք զինծառայող է մահացել | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *