Ադրբեջանի ԶՈՒ կորուստներն ըստ «Դոկտրին» կենտրոնի

Ադրբեջանի ռազմական լրագրողական հետազոտությունների «Դոկտրին» կենտրոնը հրապարակել է մոնիտորինգի արդյունքերը, որոնց համաձայն՝ ընթացիկ տարում Ադրբեջանի ԶՈՒ-ում մահացել է 84 զինծառայող և վնասվածքներ ստացել 76-ը:
Նշված 84-ից մարտական կորուստները կազմել են 15, 2 զինծառայող զոհվել է ականի պայթյունից, մեկը՝ վիրահատության ժամանակ, 66 զինծառայող մահացել է ոչ մարտական պայամաններում:
Ադրբեջանի ԶՈՒ 7 ծառայող մահացել է դժբախտ պատահարի հետևանքով (թունավորում գազից, էլեկտրահարում, սայթաքում և այլն), 14 մարդ ճանապարհատրանսպորտային պատահարի զոհ է դարձել, մեկ զինծառայող մահացել է չպարզված հանգամանքերում, 8 հոգի՝ անզգուշության, 10-ը՝ ոչ կանոնակարգային գործողությունների հետևանքով: Եվս 9 զինծառայող մահացել է հիվանդության պատճառով, 17 մարդ ինքնասպանություն է գործել:
Զոհվածներից 74-ը Ադրբեջանի ՊՆ զինծառայողներն էին, 5-ը՝ Պետական սահմանապահ ծառայության, 4-ը՝ Ներքին զորքերի և մեկ հոգի Ադրբեջանի Ազգային անվտանգության նախարարության աշխատակից էր: