Իրանի բանակի ռազմածովային ուժերի հրամանատարի տեղակալ Ղոլամռեզա Խադեմ Բիղամը հայտարարել է, որ ամերիկյան «Ֆալանքս» 6-փողանի 20 մմ տրամաչափով զենիթահրետանային համակարգի իրանական տարբերակի արտադրությունում արդեն բավականին առաջընթաց է գրանցվել: Միաժամանակ համակարգը փորձարկումներ է անցնում: Դեկտեմբերի 21-ին փոխանցում է իրանական «Թասնիմ» լրատվական գործակալությունը:
Բիղամը հույս է հայտնել, որ համակարգը հնարավոր կլինի շուտով շահագործաման հանձնել: Իսկ թե երբ այն կցուցադրվի , կհայտարարի պաշտպանության նախարարությունը:
Ամերիկյան «Ֆալանքս» զենիթահրետանային համակարգ
Իրանը «Ֆալանքս» զենիթահրետանային համակարգի կառուցման աշխատանքները սկսել է 2015թ.:
Զենիթահրետանային համակարգը նախատեսված է մինչև 1,5 կմ հեռավորության վրա հականավային հրթիռների խոցման համար: Արկի սկզբնական արագությունը 1036 մ/վ է, մեկ րոպեում արձակում է 3000 արկ:
Նշենք, որ Իրանի ՌԾՈւ սպառազինությունում առկա տեղական արտադրության զենիթահրետանային համակարգերից են «Մոհարամը» և «Ախգյարը»:
«Մոհարամն» արտադրվել է 2014 թվականին, զանգվածը 45կգ է, անձնակազմը՝ 2 հոգի, ունի 6 փող, տրամաչափը՝ 12.7 մմ, արկի սկզբնական արագությունը՝ 1050 մ/վ, կրակի արդյունավետ հեռավորությունը՝ 2500 մ, առավելագույն հեռավորությունը՝ 7000 մ:
«Ախգյարը» նույնպես արտադրվել է 2014 թվականին, զանգվածը 45 կգ է, անձնակազմը՝ 2 հոգի, 6 փողանի է, տրամաչափը՝ 7.62մմ, արկի սկզբնական արագությունը 1050 մ/վ, կրակի արդյունավետ հեռավորությունը 2500 մ, առավելագույն հեռավորությունը 7000 մ:
Իրանական արտադրության «Մոհարամ» զենիթահրետանային համակարգ
Իրանական արտադրության «Ախգյար» զենիթահրետանային համակարգ