Դեկտեմբերի 19-21-ին Հնդկական օվկիանոսի Բենգալյան նեղուցի ջրերում անցկացվում է ռուս-հնդկական «Ինդրա նևի-2016» զորավարժության ակտիվ փուլը: Դեկտեմբերի 19-ին ՌԴ ռազմածովային ուժերի «Ադմիրալ Տրուբից» հականավային կորվետը և ծովային տանկեր «Բորիս Բուտովան» դուրս են եկել նեղուցի տարածք՝ վարժանքներին մասնակցելու համար: Այս մասին հայտնում է ՌԴ ՊՆ կայքը:
ՌԴ և Հնդկաստանի ռազմանավերի անձնակազմերը անցկացնելու են կապի, պայմանական հակառակորդի օդային հարձակման կասեցման, մարտավարական խմբերով նավերի խուսանավման, ծովային և օդային թիրախները հրետանային կրակով չեզոքացնելու, հականավային պաշտպանության և ընթացքից լրալցավորման վարժանքներ:
Հիշեցնենք, որ դեկտեմբերի 14-19-ին կողմերը անցկացրել են զորավարժության պլանավորման փուլը:
Նշենք, որ 2003-ից անցկացվող «Ինդրա» զորավարժությունը բաղկացած է մի քանի փուլերից: Բացի այդ, այն ունի ինչպես ծովային, այնպես էլ ցամաքային ու օդային տարբերակներ։
Ցամաքային փուլն այս տարի անցկացվել է 22-ից սեպտեմբերի 1-ը՝ ռուսաստանյան Պրիմորսկի երկրամասի «Սերգեևսկի» զորավարժարանում:
Pingback: Ռուսաստանն ու Հնդկաստանը անցկացրել են «Ինդրա նևի-2016» ՌԾՈւ զորավարժությունը | Ռազմ.info