Այսօր՝ դեկտեմբերի 19-ին, Սիրիայի հյուսիսային Ալ-Բաբի շրջանում Թուրքիայի զինուժի գործողությունների ժամանակ սպանվել է երկրի ԶՈւ 1 զինծառայող, ևս 7 զինծառայող վիրավորվել է: Այս մասին հայտնում է թուրքական պետական «Անադոլու» գործակալությունը:
Թուրքիայի ԶՈւ տանկերը անցել են թուրք-սիրիական սահմանը:
Վիրավորված զինծառայողները տեղափոխվել են Թուրքիայի հարավային Գազիանթեփ և Քիլիս նահանգի հիվանդանոցներ:
Համաձայն աղբյուրի՝ Թուրքիայի զինուժը Սիրիայում «շարքից հանել է» «Իսլամական պետություն» ահաբեկչական խմբավորման 11 զինյալի: Բացի այդ Թուրքիայի օդուժի հարվածների արդյուքնում ոչնչացվել է ԻՊ 208 թիրախ:
Թուրքական «Միլլիյեթ» պարբերականի կայքը հայտնում է, որ Սիրիայում վիրավորվել է Թուրքիայի զինուժի 9 զինծառայող:
Հիշեցնենք, որ դեկտեմբերի 17-ին Սիրիայում վիրավորվել է ևս 3 զինծառայող: Ավելի վաղ՝ դեկտեմբերի 7-8-ը Սիրիայում սպանվել է ևս 1 զինծաառայող, ևս 11-ը վիրավորվել է(1, 2):
Հիշեցնենք, որ օգոստոսի 24-ից թուրքական զինուժը ներխուժել է Սիրիայի ցամաքային տարածք՝ հայտարարելով ԻՊ դեմ ռազմական գործողություններ իրականացնելու և իր սահմանը իսլամիստ գրոհայիններից «մաքրելու» մասին:
Սակայն գործողությունների ընթացքը ցույց են տալիս, որ Թուրքիան կյանքի է կոչում Սիրիայում «անվտանգության գոտի» ստեղծելու նպատակները, ինչի հիմքում Սիրիայի տարածքում քրդերի հսկողության տակ գտնվող երկու տարածքների միավորումը բացառելն է:
Pingback: Սիրիայում վիրավորվել է Թուրքիային ԶՈւ 4 զինծառայող | Ռազմ.info
Pingback: Սիրիայում սպանվել է Թուրքիայի ԶՈւ 14 զինծառայող | Ռազմ.info