Դեկտեմբերի 15-ին Իրանի իսլամական հեղափոխության պահապանների կորպուսի (ԻՀՊԿ) «Բասիջ» կազմավորումը «Բեյթ օլ մողադասի» 3 գումարտակի 650 զինծառայողի ներգրավվածությամբ զորավարժություն է անցկացրել երկրի հյուսիսարևելյան Խորասան նահանգի Թորբաթ է Հեյդարիե քաղաքում: Այս մասին «ԻՌՆԱ»-ին հղում անելով՝ տեղեկացնում է իրանական Tnews լրատվական կայքը:
Զորավարժության ժամանակ զինծառայողները խաղարկել են պայմանական հակառակորդին դիմագրավելու գործողություններ, իրականացրել որոնողա-փրկարարական վարժանքներ:
«Բասիջ» ստորաբաժանման զինծառայողները զորավարժության ժամանակ (արխիվ)
Հիշեցնենք, որ ավելի վաղ՝ նոյեմբերին, «Բեյթ օլ մողադասի» գումարտակների ներգրավվածությամբ զորավարժություններ են անցկացվել երկրի 14 նահանգում:
«Բասիջը» (պրսկ. بسيج) իրանցի երիտասարդ կամավորներից կազմված կիսառազմական կազմավորում է: Հիմնվել է 1979թ. այաթոլլահ Խոմեյնիի հրամանով: 2007 թվականից ԻՀՊԿ ենթակայության ներքո է:
Բասիջի գործառույթներից են՝ ներքին անվտանգություն ապահովելը, հասարակական կարգ ու կանոն պահելը, սոցիալական օգնություն տրամադրելը, հանրային կրոնական արարողություններ կազմակերպելը և այլն:
Pingback: Բասիջը զորավարժություն է անցկացրել Թեհրանում | Ռազմ.info