Դեկտեմբերի 11-ին Սիրիայում «Իսլամական պետություն» ահաբեկչական խմբավորման զինյալները Սիրիայի կառավարական բանակի հետ մի քանի օրյա մարտերում կարողացել են վերանվաճել Հոմս նահանգի Պալմիրա քաղաքը: Այս մասին հայտնում է սիրիական պետական «ՍԱՆԱ» գործակալությունը:
Հարձակումը կառավարական բանակի վրա եղել է տարբեր ուղղություններով: Մասնակցել է ԻՊ մոտ 4000 զինյալ:
Համաձայն աղբյուրի՝ ԻՊ-ն մեծ թվով զինյալներ, զինտեխնիկա է տեղափոխել Պալմիրայի մոտակայք այլ վայրերից, մասնավորապես Ռաքքայից և Դեյր Զորից:
Նույն օրը «Իսլամական պետությունը» տեսանյութ է տարածել, որում երևում է Սիրիայի կառավարական բանակից վերցված տանկերն ու ռազմական այլ տեխնիկան, սակայն, դրանց թվաքանակի մասին հստակ տեղեկությունները բացակայում են:
Tanks and other armored vehicles captured in #Palmyra. pic.twitter.com/iGVecgLdb9
— Jacm (@JACM212) December 11, 2016
Դեկտեմբերի 12-ին, համաձայն ռուսաստանյան «ՌԻԱ Նովոստի» գործակալության ԻՊ զինյալները առաջխաղացում են ունեցել Պալմիրայից հարավ-արևմուտք ընկած հատվածում և գրավել են մի քանի բնակավայրեր և նավթի հանքեր: Բայց Սիրիայի կառավարական բանակը կարողացել է կանխել նրանց հետագա առաջխաղացումը: Միևնույն ժամանակ Ռուսաստանը օդուժը ավիահարվածներ է հասցնում ԻՊ զինյալների դիրքերին, որոշ տվյալների համաձայն մոտ ԻՊ 300 զինյալ է սպանվել:
Նույն օրը Ռուսաստանի նախագահի մամուլի խոսնակ Դմիտրի Պեսկովը, մեկնաբանելով այն հարցը, թե արդյոք Պալմիրայի նվաճումը ԻՊ-ի կողմից հարված է հասցնում Ռուսաստանի իմիջին, հայտարարել է.
«Պալմիրա քաղաքը այնուամենայնիվ Ռուսաստանի քաղաք չէ, այլ սիրիական քաղաք է և այդ քաղաքի կորուստը հարված է, ոչ թե Ռուսաստանի, այլ քաղաքակրթված մարդկությանը»:
Հիշեցնենք, որ 2016-ի մարտի 23-24-ի մարտերի ընթացքում Սիրիայի կառավարական ուժերը կարողացել են հաջողություն գրանցել ԻՊ զինյալների դեմ մարտերում և գրավել Պալմիրա քաղաքի մի շարք ռազմավարական կետեր:
Նշենք, որ ԻՊ-ն Պալմիրան գրավել էր 2015-ի մայիսին և ոչնչացրել են քաղաքի բազմաթիվ հնագույն հուշարձաններ: 2016-ի մարտին Սիրիայի կառավարական ուժերը սկսել էին քաղաքի ազատագրման գործողությունը:
Pingback: Սիրիայի բանակը վերահսկում է «Տ-4» ավիաբազան Պալմիրայի մոտ | Ռազմ.info
Pingback: Պալմիրայում շարունակվում են մարտերը Սիրիայի բանակի և ԻՊ զինյալների միջև | Ռազմ.info
Pingback: Հալեպից հետո Սիրիայի բանակը կարող է ակտիվանան այլ ռազմաճակատներում. Ս. Գրիգորյան | Ռազմ.info
Pingback: Ռազմաշաբաթ. Տարածաշրջան. 11 – 17 դեկտեմբերի, 2016 | Ռազմ.info
Pingback: Սիրիայում փոփոխական հաջողություններով շարունակվում են բախումները կառավարական ուժերի և ԻՊ զինյալների միջև | Ռազմ.info