Նոյեմբերի 1-ին Թուրքիայի Իսկանդերուն նավահանգստային քաղաքում ավտոմեքենա է պայթել, որի հետևանքով 4 մարդ վիրավորվել է:
Ըստ թուրքական աղբյուրների, ավտոմեքենան պայթել է զորամասի մուտքից 150 մետր հեռավորության վրա և զինվորական ավտոմեքենայի անցնելուց րոպեներ առաջ: Վիրավորներից երեքը եղել են մոտակայքում քաղաքացիական ավտոմեքենաjի մեջ:
Թուրքիայի Հաթայ նահանգի ոստիկանապետը Ռոյթերսի թղթակցին հայտնել է, որ «Պայթյուն է եղել և մենք կարող ենք հաստատել, որ չորս հոգի թեթև վիրավորվել են: Պայթյունի պատճառը դեռ հետաքննվում է»:
Պայթյունի համար դեռ ոչ ոք պատասխանատվություն չի վերցրել, բայց այսպիսի հարձակումներ անցյալում իրականացրել է Քրդական բանվորական կուսակցությունը: