Թուրքիայի ԶՈւ ԳՇ և ՊՆ անձնակազմը 2016 թ. դեկտեմբերի դրությամբ. աղյուսակ.

Թուրքիայի ԶՈւ ԳՇ կայքը դեկտեմբերի 1-ին հրապարակել է զինված ուժերի թվաքանակը: Ժանդարմերիայի և առափնյա անվտանգության անձնակազմերի մասին տվյալներ կրկին չեն հրապարակվել, քանի որ այդ զորքերն արդեն ՆԳՆ ենթակայության տակ են։

Այսպիսով՝ Թուրքիայի ԶՈւ և պաշտպանության նախարարության անձնակազմը 400.784 է, որից 39400-ը քաղաքացիական աշխատողներ են, իսկ 361.384-ը՝ զինծառայողներ։ Տվյալները հրապարակվել են Թուրքիայի ԶՈւ ԳՇ կայքում։

Համաձայն հրապարակված տվյալների՝ թուրքական զինուժում գեներալների և ծովակալների թիվը 203 է։

Հուլիսին հրապարակված տվյալներով նույն զորամիավորումներում առանց ժանդարմերիայի և առափնյա անվտանգության ծառայում էր 325 գեներալ և ծովակալ՝ 122-ով ավել քան ներկայումս: Սեպտեմբերին հրապարակված տվյալների համեմատ գեներալների թիվը պակասել է 5-ով, իսկ արդեն հոկտեմբերի համեմատ՝ ավելացել է 2-ով:

Սպաների թիվը 26299 է, ինչը 3135-ով պակաս է հոկտեմբերի 4-ին հրապարակված ցուցանիշից, իսկ հեղաշրջման փորձից առաջ եղած անձնակազմից՝ շուրջ 5500-ով։ Ենթասպաների թիվը 65026 է, ինչը իր հերթին 2232-ով է պակաս հոկտեմբերի քանակից:

Պրոֆեսիոնալ սերժանտների (հատուկ պայմանագրային եֆրեյտորներ) թիվը դեկտեմբերի 1-ի դրությամբ 48012 է, ինչը հոկտեմբերի համեմատ 1267-ով է պակաս:

Նշենք, որ ռազմական հեղաշրջման փորձից հետո Թուրքիայում հայտարարված արտակարգ դրության պայմաններում կառավարության որոշմամբ արդեն շուրջ 30 հազարից ավել զինծառայող է հեռացվել:

Զորակոչված անձնակազմի թվաքանակը հոկտեմբերի համեմատ ավելացել է շուրջ 12 հազարով, իսկ ընդհանուր անձնակազմը՝ շուրջ 5,6 հազարով։ Շուրջ 6000-ով նվազել է պրոֆեսիոնալ զինծառայողների թվաքանակը:

Թուրքիայի ԶՈւ ԳՇ և ՊՆ անձնակազմը 2016 թ.դեկտեմբերի դրությամբ. աղյուսակ.