Պաշտոնական այցով Մոսկվայում գտնվող ՀՀ պաշտպանության նախարար Վիգեն Սարգսյանն այսօր՝ նոյեմբերի 30-ին, Բելառուսի իր պաշտոնակից, գեներալ-լեյտենանտ Անդրեյ Ռավկովի հետ ստորագրել է երկու երկրների պաշտպանության նախարարությունների 2017թ. համագործակցության ծրագիրը: Այս մասին հայտնում է Ռազմինֆոյի համակարգող Կարեն Վրթանեսյանը, ով Ռուսաստան է մեկնել Հայաստանի ՊՆ պատվիրակության հետ:
Համագործակցության ծրագրի ստորագրման մասին ՀՀ պաշտպանության նախարարը ռուսաստանյան «Իզվեստիա» պարբերականի հետ զրույցում տեղեկացրել էր ավելի վաղ: Բացի դրանից, նախարարը տեղեկացրել էր, որ նոյեմբերի 30-ին Մոսկվայում նախատեսված է նաև ԱՊՀ պաշտպանության նախարարների հանդիպումը:
Այդ հանդիպմանը մասնակցելու նպատակով Մոսկվա է այցելել նաև Ադրբեջանի պաշտպանության նախարար, գեներալ-գնդապետ Զաքիր Հասանովը:
Pingback: Ավարտվել է ԱՊՀ երկրների ՊՆ ղեկավարների խորհրդի հերթական նիստը | Ռազմ.info